Бу кириисис, үлэ миэстэтин сарбыйыы, үлэтэ суох хаалыы элбээбит кэмигэр “биһиэхэ кэлиҥ даа” диэн ыҥырыы – киһи эгди буолар сонуна. Ол эрэн, биллэн турар, ирдэбиллэрдээх: 40-гар диэри саастаах эр киһи, Россия Сэбилэниилээх Күүстэригэр сулууспалаабыт уонна доруобуйатын туругунан эҥкилэ суох буолуохтаах.
Дьэ, тугу мэктиэлиир эбиттэрий? Бастатан туран, холуобунай-исполнительнай систиэмэ үлэһиттэрин хамнаһа үрдээбитэ хас да сыл буолла. Ыйдааҕы акылаат дуоһунастан уонна званиеттан тутулуктаах. Маныаха ый аайы эбии төлөбүрдэр эмиэ бааллар. Онно сулууспа ыстааһа, квалифицированнай звание, сулууспа ураты усулуобуйата, үчүгэй үлэ иһин бириэмийэлэр, оройуоннааҕы коэффициеннар и тыйыс климаттаах сиргэ үлэлиир иһин надбавка көрүллэллэр.
Маны таһынан, уоппускаҕа барар-кэлэр айан сыаната төлөнөр, доруобуйаны бөҕөргөтүү-эмтэнии, санаторийга-курортка сынньаныы көрүллэр, ону сэргэ, сулууспа эбээһинэһин толоро сылдьан ол-бу хоромньуну ыллахха, страховканы төлөөһүн эмиэ мэктиэлэнэр эбит.
Интэриэһиргээбит киһи Накаастабылы толорор управление http://www.14.fsin.su/ сайтыгар киирэн, ханнык вакансиялар баалларын көрүөн сөп. Оттон үлэҕэ киирэргэ быһаарыммыт киһи управление каадрдары уонна личнэй састаабы кытта үлэҕэ отделыгар 8 (4112) 42-24-93, 42-20-32 эбэтэрдьуһуурунай чааска (4112) 34-16-26, 44-41-13 нүөмэрдэргэ эрийэн билсиэн сөп.
Комментарии
Авторизация на сайте через социальные сети