- «Герой Кондаков аатынан уулусса Бүлүү куоракка ханан баарый?», - диэн ыйытыаххыт. Быйыл эмиэ үбүлүөйэ бэлиэтэммит биллиилээх государственнай деятель Г.И.Чиряев аатын сүгэр куорат 1 №-дээх оскуолаттан Хомустаах диэки барыыга кэлэр бастакы уулусса Герой аатын сүгэр. Оройуон, куорат Сэбиэттэрин депутаттарын тэрийиилэринэн кэлиҥҥи сылларга 13 дьиэни түмэр Герой Н.А.Кондаков аатынан уулусса күнэ сылын аайы ыытыллар.
- Үөрүүлээх миитиҥҥэ уулуусса олохтоохторо, куорат сайыҥҥы лааҕырдарын оҕолоро көхтөөхтүк кытыннылар. «Хомустаах» уокуруктан оройуон Сэбиэтин депутата Н.Н.Иванова уулусса историятын билиһиннэрдэ: «Н.А.Кондаковка Советскай Союз Геройун үрдүк аата 1990 сыллаахха иҥэриллибитэ, эмиэ ол кэмҥэ бу уулуссаҕа кини аата бэриллибитэ. Герой аатын сүгэр уулусса бүгүн 25 сааһын туолла!».
- Куорат баһылыга А.Г.Шипков куорат историятыгар киирбит Кондаков аатынан уулусса олохтоохтор үтүөлэринэн ыраастык тутулларын, Уулусса күнэ ыытыллар суолтатын бэлиэтээтэ.
- «Оленскай» уокуруктан куорат Сэбиэтин депутата М.П.Томская бары тэрээһиннэргэ көхтөөхтүк кыттар уулусса олохтоохторун - Рожиннар уонна Хоруновтар дьиэ кэргэттэрин - Уулусса күнүгэр быыстапкаларын көрдөрүүгэ туруорбуттарыгар болҕомтону хатаата.
- Депутаттар Августина Петровна уонна Николай Семенович Хоруновтар дьиэ кэргэннэригэр, уулусса кырачаан олохтооҕор - 6 ыйдаах Алик Волковка үөрүүлээх быһыыга-майгыга сэмэй бэлэхтэрин, Хоруновтар, Айталина уонна Артем Томскайдар, П.И. уонна Я.И.Макаровтар дьиэ кэргэннэригэр, М.Н.Рожинаҕа, Н.Д.Алексееваҕа, уулусса аҕам састааҕар Д.Д.Федороваҕа Махтал суруктары туттардылар.
- Тыыл, үлэ ветерана Д.Д.Былахыров эдэр ыччакка анаан алгыс тылын эттэ.
- Улуус бочуоттаах олохтооҕо Н.Д.Алексеева куорат дьаһалтата, «Билии» общество Советскай Союз Геройа Н.А.Кондаковка анааныыппыт викториналарын кыайыылаахтарыгар Елена Кондаковаҕа, Сардана Степановаҕа, Диана Томскаяҕа, Аня Павловаҕа, Аэлита Каримоваҕа, Оля Софронееваҕа дипломнары туттарда.
- Уулусса олохтооҕо кырачаан Маша Сыроватская, уокурук эдэр олохтооҕо Афелия Бугуева, эмиэ уокурук олохтоохторо, киэн туттар ырыаһыттарбыт Елена уонна Иван Туласыновтар ырыа ыллаан сэргэхситтилэр. Герой Кондаков аатынан уулусса күнэ оһуохайынан түмүктэннэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети