Оттон үөрэх управлениетын уопсай үөрэхтээһиҥҥэ отделын начальнига Альбина Николаева иһитиннэрэринэн, Сунтаар улууһугар быйыл 453 оҕо аан бастаан 1 кылааска киирдэ. Былырыын 442 оҕо киирбит. Кыра да буоллар, эмиэ эбиллии баар. Быйыл улууска 39 саҥа учуутал, иитээччи кэлбит, өссө да кэлиэхтээхтэр эбит. Былырыын 36 саҥа учуутал, иитээччи кэлбит.
Альбина Михайловна эппитинэн, быйылгы үөрэх дьылын биир уратытынан оскуола боруогун аан бастаан атыллаабыт оҕолорго улуус дьаһалтата, үөрэх управлениета үөрэнээччи дневнигин оҥорон таһаарбыттара буолар.
Быйылгы үөрэх сылын саҕаланыытыгар Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы В.В. Омуков кыттыыны ылла. Виктор Викторович улуус киинин сорох оскуолаларыгар сылдьан үөрэнээччилэри, учууталлары, төрөппүттэри Билии күнүнэн эҕэрдэлээтэ. Бу күн үөрэнээччилэргэ аналлаах кылаас чаастара Улуу Кыайыы 70, Литература, Предпринимательство сылларыгар, оҕо доруобуйатыгар ананнылар.
Улуус дьаһалтатын эппиэттээх үлэһиттэрэ Билии күнүгэр улуус нэһилиэктэрин оскуолаларынан тарҕастылар.
Комментарии
Авторизация на сайте через социальные сети