ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
19 июня 2015, 17:16

Томпоҕо «Алдан-ситим» сахалыы тыллаах уһуйааннара ыһыахтаатылар


Саха сирин ыччатын ыһыаҕа буолуохтаах нэһилиэгэр бастакы ыһыах ыһылынна. Ол курдук, Мэҥэ Алдан Культура уонна сынньалаҥ пааркатыгар «Алдан-ситим» сахалыы тыллаах уһуйааннара ыһыахтаатылар.

photoByWidth&id=37215&width=1000

Томпо улууһун Кэскил, Кириэс Халдьаайы (икки уһуйаан), Арыы Толоон уонна ыкса ыалларбыт Таатта улууһун Уолба нэһилиэгин «Харыйачаан» уонна «Хатыҥчаан» уһуйааннар үлэһиттэрэ бааллар. Үгэс быһыытынан ыһыах түһүлгэни киэргэтииттэн саҕаланна. Сахалыы сиэринэн аал уоту аһатылынна, алгыс этилиннэ.

Үөрэх управлениетын методиһа Сахайаана Слепцова уонна уһуйааннар сэбиэдиссэйдэрэ эҕэрдэлээтилэр. Онтон салгыы кэнсиэр, куонкурустар, күрэхтэһиилэр буоллулар.

Саамай уһун суһуохтаах аатын Кириэс Халдьаайы «Чуораанчык» уһуйаан эмчитэ Дария Какаисова ылла. Сахалыы куукула куонкуруһугар Луиза Гуляева («Харыйачаан») кыайда. Бастыҥ оһуохай этээччинэн Мэҥэ Алдан «Кыымчаанын» сэбиэдиссэйэ Яна Захарова буолла.

photoByWidth&id=37216&width=1000

Уһуйааннар үлэһиттэрэ үксэ кэрэ аҥардар да буоллар, быһыйдар быһаарыстылар, күүстээхтэр күөнтэстилэр. Мас тардыһыыга бастыҥ мадьыны аатын Луиза Гуляева («Харыйачаан») ылла. Хары баттаһыытыгар Арыы Толоонтон Наталья Баланова («Кэнчээри») тэҥнээҕин булбата. Уһуну ыстаныыга наар таатталар күннээтилэр. Алена Андросова («Хатыҥчаан») бастыҥ көрдөрүүлэннэ. 100 м эмиэ ыалдьыппыт Вера Колодезникова («Харыйачаан») биэтэккэ урут кэллэ. Ол оннугар томполор сахалыы остуол оонньуутугар күннэрэ таҕыста: хаамыскаҕа Алена Варфоломеева («Кыымчаан») кыайда, хабылыкка Наталья Колесова («Сырдыкчаана», Кириэс Халдьаайы) бастаата.

Иитээччилэр үлэлэрин да умнубатылар, маастар-кылаас ыыттылар. Валентина Атакова («Сырдыкчаана», Кириэс Халдьаайы) кыайыылааҕынан таҕыста.

Сахалыы астаах сандалы тардылынна, сэһэн-сэппэн ыраатта, ырыа-тойук дьиэрэйдэ.

photoByWidth&id=37217&width=1000

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 886 Источник: ЯСИА Автор: Евдокия Неустроева Изображение: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ