Сардаана Николаевна былырыын бастакы быыстапкатыгар дьыл түөрт кэмин кэрэ көстүүтүн дьүһүйбүтүн көрдөрбүтэ. Оттон билигин айылҕа дьиктитин, сэдэхтик көстөр, кыл түгэнигэр көстөн ааһар түгэни таба тутан, Photoshop “прозрачный фон” диэн бырагырааматын туһанан, эбии тупсаран биэрбит хаартыскалара турдулар. Холобур, бырагыраама көмөтүнэн аҥардас биир хаартысканы өҥүн-дьүһүнүн уларытан араастык көрүөххэ сөбүн быыстапка хаартыскалара туоһулууллар. Уларыйбыт хаартыскалар бары бэйэ-бэйэлэриттэн атын ис хоһоонноохтор, киһиэхэ тус-туһунан санааны, өйдөбүлү үөскэтэллэр.
Ааптар этэринэн, хаартыскаҕа түһэриинэн дьарыктаммыта 4 сыл буолбут. Ханна да сырыттар, куруук фотоаппаратын илдьэ сылдьан түһэрэр идэлээх. Ол курдук, ийэтин Парасковья Егоровна, аҕатын Николай Петрович Стручковтары сылдьан, Арҕахтаах орто оскуолатын иһинэн үлэлиир улууска биллэр „Ыллык“ экологическай лааҕыр салайааччыларын кытары Алаһыай өрүс устун бииргэ устан айылҕа дьикти көстүүтүн түһэрэр. Онно сылдьан „Киһилээх таастара“ диэн сөҕүмэр кыраһыабай сири түһэрбитин быыстапкаҕа көрүөххэ сөп.
Комментарии
Авторизация на сайте через социальные сети