- Олохтоохтор үөрүүлэрин үллэстэ улуус баһылыга Николай Старостин, СР Ил Түмэн Государственнай мунньах сис комитетын бэрэссэдээтэллэрэ Александр Романов, Юрий Баишев, Ил Түмэн үбүлээһиҥҥэ хамыыһыйатын бэрэссэдээтэлэ Юрий Николаев ыалдьыттаатылар.
- Бастакы таас дьиэ символическай күлүүһүн «Арктика-строй» ХЭТ директора Иван Никифоров нэһилиэк баһылыгар Екатерина Гаврильеваҕа туттарда. Киэҥ-куоҥ, сырдык, сылаас дьиэ олохтоохторугар Анна Климентова аал-уоту оттон, алгыс тылын этэн амалыйда.
- Бу күн Людмила Павловаҕа, Екатерина Гуляеваҕа, Оксана Поповаҕа, Валентина Петроваҕа, Альбина Баишеваҕа, Мария Кривошапкинаҕа, Алквиад Назаровка, Сахайаана Жирковаҕа, Светлана Кононоваҕа, Анатолий Солодниковка, Вера Тордуинаҕа уонна Наталья Григорьеваҕа квартираларын күлүүһүн үөрүүлээх быһыыга-майгыга туттардылар.
- Саҥа дьиэ олохтоохторо эргэ дьиэттэн көһөрүү программатыгар киллэртэриигэ сүүрбүт-көппүт дьоҥҥо, чуолаан нэһилиэк бочуоттаах олохтооҕор, культура эйгэтин ветераныгар Альбина Баишеваҕа истиҥ махталларын тиэртилэр. Альбина Семеновна 2012 сыллаахтан эккирэтиһэн, сыал-сорук туруорунан 70 бырыһыан хаарбах туруктаммыт эргэ мас дьиэни хаарбах дьиэттэн көһөрүү программатыгар киллэртэрэргэ үгүс сыратын уурбут, бэл диэтэр, сайыҥҥы өртүгэр тутааччылары дьиэлээн-уоттаан, үлэлэригэр ким даҕаны мэһэйдэспэтин курдук кэтээн-манаан, бары усулуобуйаны тэрийбит.
- Малааһыҥҥа дьиэни үлэҕэ киллэртэриигэ үлэлээбит дьоҥҥо, тутааччыларга Махтал суруктары туттардылар. Хара сэлиэнньэтиттэн төрүттээх «Артикастрой» ХЭТ тутааччылара кэлэр сыл сааһыттан саҥа таас дьиэ иннигэр площадканы оҥорон, ситэрэн-хоторон биэриэхтэрэ.
- Ыраахтан сандааран көстөр, кыраһыабай витражтаах дьиэ олохтоохторо Саҥа дьылы сылаас квартираларыгар көрсөр дьоллоннулар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети