- Кэпсэтии саҕаланыытыгар Егор Борисов АОС салалтатыгар уонна шейх Ахмад Аль-Фахад Аль-Сабахха тус бэйэтигэр «Азия оҕолоро» аан дойдутааҕы спортивнай оонньуулары тэрийиигэ бары өттүнэн көмөлөрүн иһин махтанна.
«Эһиил биһиги уочараттаах «Азия оҕолоро» оонньуулары ыытарга бэлэмнэнэбит уонна ол тэрээһиннэри тойон Алб-Сабах бэйэтин болҕомтотугар тутарын иһин махтанабыт. Урут Саха сирэ тустууктарынан эрэ сураҕырар буоллаҕына, кэлин, «Азия оҕолоро» оонньуулар ыытыллалларынан, биһиги спортсменнарбыт спорт атын да көрүҥнэригэр ситиһиилэннилэр. Олимпийскай чемпионнар баар буоллулар. Паралимпийецтарбыт эмиэ ситиһиилэринэн үөрдэллэр. Эһиги өйөбүлгүтүнэн биһиги маннык хайысханы инникитин да тутуһуохпут», - диэтэ регион баһылыга.
Хайдер Фарман харда тылыгар Саха Республикатын уонна Азия Олимпийскай сэбиэтин икки ардыларыгар олохтоммут бииргэ үлэлээһин суолтатын бэлиэтээтэ уонна ол салгыы сайдан иһиэҕэр эрэлин билллэрдэ. Фарман Дьокуускайга ыытыллар спортивнай оонньуулар аптарытыаттара континеҥҥа үрдээн иһэрин ыйда: «Азия оҕолоро» оонньуулары Азия дойдуларыгар үчүгэйдик билэллэр. Олор үксүлэрэ Ооонньууларга кыттарга актыыбынайдык бэлэмнэнэллэр. «Азия оҕолоро» VI спортивнай оонньуулар тэрийэр комитеттарын АОС регионнааҕы форумугар кыттыыны ыларыгар ыҥырабын. Эһиил Оонньууларга кыттааччы ахсаана элбииригэр эрэнэбин».
Хайдер Фарман «Азия оҕолоро» оонньуулар таһымнара үрдүүрүгэр Азия Олимпийскай сэбиэтэ бары өттүнэн көмөлөһүө диэн Егор Борисовка эрэннэрдэ. Инникитин Оонньуулар Дьокуускайга эрэ буолбакка, атын дойдуларга — АОС чилиэннэригэр - ыытыллыахтыран санатта.
Салгыы өрүттэр 2016 сылга ыытыллар «Азия оҕолоро» спортивнай оонньууларга бэлэмнэнии тэрээһин боппуруостарын ырыттылар.
Кө рсүһүүгэ СР Правительствотын бэрэссэдээтэлин бастакы солбуйааччы Петр Алексеев, СР Правительствотын бэрэссэдээтэлин солбуйааччыАлександр Соловьев, «Азия оҕолоро» спортивнай оонньуулар аан дойдутааҕы комитетын президенэ Дмитрий Глушко, «Азия оҕолоро» спортивнай оонньуулар аан дойдутааҕы комитетын генеральнай директора Владимир Максимов кыттыыны ыллылар.
Комментарии
Авторизация на сайте через социальные сети