Хотугу улууска кэнники сылларга спорт бу көрүҥэ киэҥ сэҥээриини ылар. Улуу Кыайыы 70, Өлөөн улууһа төрүттэммитэ 80 сылларыгар ананан, Физкультурник күнүн бэлиэтээһин чэрчитинэн ыытыллыбыт күрэхтэһиигэ уон спортсмен кытынна. Теннисистэр таһымнара араа-бараа буолан, көрөөччүгэ интэриэһинэй оонньуулар буоллулар.
Күрэхтэһии түмүгэр бастакы турнир кыайыылааҕа Дмитрий Скороходкин бу да сырыыга утарылаһааччыларын илиилээх-атахтаах оҥорбото. Иккис миэстэни Дмитрий Докторов ылла.
Үһүс миэстэ иһин Владислав Семенов уонна Илья Типянов икки ардыларыгар олус хатыһыылаах оонньуу буолла. Манна Владислав Семенов күүстээх утарылаһааччытын төрдүс миэстэҕэ үтэйэн пьедестал үһүс үктэлигэр тахсан үгүстэри соһутта.
Теннис федерацията быйыл өссө хас да күрэхтэһиини тэрийэн ыытар былааннаах.
Комментарии
Авторизация на сайте через социальные сети