ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
16 ноября 2015, 15:49

Нам улууһун Аппаанытыгар норуот маастардарын быыстапката турда


Ааспыт нэдиэлэ бүтэһик күнүгэр Хатыҥ Арыы нэһилиэгин И.Е. Винокуров аатынан кыраайы үөрэтэр музейыгар«Триумф мастерства» диэн кэрэ эйгэни төрүттүүр, үтүө эйгэни үйэтитэр, айар-тутар дьоҕурдаах, оһуорунан ойуулуур, дьүһүнүнэн дьүһүйэр республикабыт талааннаах маастардарын оҥоһуктарын быыстапката үөрүүлээх быһыыга-майгыга аһылынна.

photoByWidth&id=49512&width=1000

Быыстапкаҕа Иваново куоракка X-с төгүлүн ыытыллыбыт Бүтүн Россиятааҕы декоративнай искусство «Лоскутная мозайка России» фестивалыгар, Илиҥҥи экономическай форум чэрчитинэн Владивосток куоракка ыытыллыбыт Хотугулуу-Илиҥҥи регионнар культураларын фестивалыгар, «Европейский перекресток пэчворка» диэн аан дойдутааҕы фестивальга (Франция, Эльзас) ситиһиилээхтик кыттыбыт маастардар бастыҥ үлэлэрэ дьон-сэргэ көрүүтүгэр турда.

photoByWidth&id=49514&width=1000

Быыстапканы арыйыыга А.Е. Кулаковскай аатынан Норуоттар доҕордоһууларын дьиэтин «Симэх» норуот искусствотын киинин салайааччы Александр Гоголев, «Хатыҥ Арыы нэһилиэгэ» МТ баһылыгын солбуйааччы Герман Марков, Нам улууһун культураҕа уонна духуобунай сайдыыга управлениетын начальнига Елена Заровняева, И.Е. Винокуров аатынан кыраайы үөрэтэр музей директора Афанасий Христофоров уонна норуот маастара Евдокия Петрова мустубут дьону эҕэрдэлээтилэр.

photoByWidth&id=49513&width=1000

Тэрээһини «Дуораан» ырыа бөлөҕө уонна Петр Машников ыллам ырыанан киэргэттилэр. Күнүстэн киэһэ норуот маастардара баҕалаах дьоҥҥо маастар-кылаас ыыттылар. Быыстапка дьон көрүүтүгэр сэтинньи 27 күнүгэр диэри туруоҕа.

А.Н. Гоголев, «Симэх» норуот искусствотын киинин салайааччы: «Быйылгы улахан ситиһиибит сороҕун билиһиннэрэ кэллибит. Дьокуускайга эмиэ «Үрдүк сатабыл» диэн ааттаан быыстапканы туруорбуппут. Иваново куоракка ыытыллыбыт кырадаһынынан тигии Бүтүн Россиятааҕы фестивалыгар кыттан 5 киһи лауреат, 2 киһи дипломант уонна 1 киһи Гран-При үрдүк аатын ылбыттара. Бу бүтэһик көрсүһүү буолбатах. Өссө да кэлиэхпит. Бүгүн кэрэ аҥардар эрэ үлэлэрин аҕаллыбыт. Биһиги улуустарга элбэх эр дьон маастардаахпыт. Ол курдук, көмүсчүттэр, муосчуттар, мас, тимир уустара, туой оҥоһугу оҥорооччулар үгүстэр. Инникитин кинилэр үлэлэрин аҕалан көрдөрбүт киһи диэн баҕа санаалаахпыт. Ону өйүөхтэрэ диэн эрэнэбит».

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 712 Источник: ЯСИА Автор: Семен Аргунов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ