ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
17 декабря 2015, 17:00

Александр Жирков: "ЮНЕСКО генеральнай дириэктэрэ Саха сиригэр ыытыллар култуурунай тэрээһиннэри сэргээтэ"


Ил Түмэн бэрэссэдээтэлэ Александр Жирков Санкт-Петербурдааҕы аан дойду таһымнаах IV Култуура форумун үөрүүлээх арыллыытыгар уонна пленарнай мунньаҕар кытынна. Бу туһунан Ил Түмэн пресс-сулууспата иһитиннэрдэ.

Парламент бэрэссэдээтэлэ форум ыытыллар сирэ түбэспиччэ буолбатаҕын, Санкт-Петербург куорат дойдубут историятыгар киирбитинэн култуурунай, духуобунай, научнай киин буоларынан улахан суолталааҕын бэлиэтээтэ.

Александр Жирков форум үрдүк таһымнаахтык ааспытын чорботто: "Форум манна ыытыллыбыта, Литература сылын түмүктүүр уонна Россияҕа Киинэ сыла саҕаланыытын биллэрэр үөрүүлээх тэрээһин манна буолбута, бу иннинэ аан дойду уонна федеральнай таһымнаах култуурунай тэрээһиннэр миэстэтигэр ыытыллыбыттара – барыта Санкт-Петербург салалтата уонна ЮНЕСКО өттүттэн тэрийээччилэр форуму бэлэмнээн ыытыыга элбэх сыраларын, болҕомтолорун уурбуттара арылхайдык көстөр".

photoByWidth&id=52375&width=1000

"Россия Президенэ Владимир Путин тыл этэригэр биһиги дойдубут култуурунай уонна духуобунай сыаннастарга бэриниилээх буоларыгар туһаайда. Аан дойду култуурунай уонна национальнай нэһилиэстибэтин харыстабылыгар ЮНЕСКО үгүс өрүттээх ыытар үлэтигэр-хамнаһыгар биһиги дойдубут өйөбүл буоларга мэлдьи бэлэмин туһунан эттэ", - диэн спикер пленарнай мунньахха дойду аҕа баһылыга тыл эппитигэр сигэннэ.

"Маны сэргэ кэнники кэмҥэ ЮНЕСКО үөрэхтээһиҥҥэ уонна наукаҕа оруола күүһүрүүтэ ордук тоһоҕолоон бэлиэтэннэ. Чахчыта да ЮНЕСКО норуоттары, дойдулары, кинилэр култуурунай эйгэлэрин, олоҕу көрүүлэрин түмэр, сомоҕолуур биллиилээх, ааттаах-суоллаах тэрилтэҕэ үүнэн-сайдан иһэр. Итиэннэ бу тэрилтэ ханнык баҕарар аан дойду уопсастыбатын сиэрдээх туругун быһаарар кыахтаах тутулга кубулуйан эрэр. Ол эбэтэр майгыга-сигилигэ сыһыаннаан маннык буолуон сөптөөҕүн эбэтэр табыллыбатын, киһи-аймах ылыныан сөбүн биитэр утарарын, үрүҥү-хараны ыйар оруоллаах. Тэрилтэ киһи-аймах майгытын-сигилитин, бүгүҥҥү олоҕу сыаналыырга олоҕурар төрүт тутулга кубулуйда. Маннык суолталаах санаа ЮНЕСКО генеральнай дириэктэрэ Ирина Бокова дакылаатыгар бэлиэтэннэ», -- диэтэ Александр Жирков.

Ил Түмэн спикерэ ЮНЕСКО кэнники кэмҥэ судаарыстыба иһинээҕи тутулларга ордук чугас буолан эрэрин уонна тирэхтээхтик олоҕуран иһэрин эттэ. "Ирина Боковалыын көрсүһүүбүтүгэр,кини Саха сиригэр ыытыллар култуурунай тэрээһиннэри сэргээтэ. Мин санаабар, олохтоммут ситим салгыы сайдыахтаах", - Александр Жирков түмүктээтэ.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 637 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ