Нэһилиэккэ ыытыллар бары тэрээһиннэргэ көмө-тирэх буолабыт, араас субуотунньуктары ыытабыт. Холобур, олохтоох библиотеканы кытта ийэлэргэ аналлаах интеллектуальнай оонньууну тэрийэн ыыппыппыт. Ийэ күнүгэр бырааһынньыктааҕы концерт тэрийбиппитигэр «Айылгы» кулууппут көрөөччүлэринэн туолбута. Тэрилтэлэринэн, түөлбэлэринэн спортивнай күрэхтэһиилэри эмиэ ыыппыппыт.
Хас өрөбүл аайы сибиэһэй салгынынан тыына, чэбдик туругу үксэтэ кырдьаҕастарбытыгар, соҕотох ийэлэргэ муус ылан, мас хайытан, саһааннаан биэрэн, дьоммут-сэргэбит махталын ыллыбыт, үөрүүлэрин үксэттибит.
Эдэр баһылыкпыт В.В.Данилов, саҥа талыллыбыт ыччат лидерэ С.Е.Михайлова тула ыччат дьон мустан, нэһилиэкпит туһа диэн үлэлиэ, сайдыа, чэчириэ диэн эрэллээхпит. Көхтөөх ыччаттаах нэһилиэк – инникилээх.
Комментарии
Авторизация на сайте через социальные сети