“Базовай” математика экзаменыгар оскуоланы бүтэрээччилэр эрдэттэн бэлэмнэнэллэрин туһугар, Россия үөрэҕин надзора тест сорудахтарын киэҥ көрүүгэ таһаарда.
Тест сорудахтарын http://www.fipi.ru(ФИПИ)сайтка киирэн көрүөххэ сөп. Билигин биэс тыһыынчаттах тахса сорудах онно киллэриллибит. Итиэннэ тест сорудахтарын банката мэлдьи эбиллэ турар диэн Россия үөрэҕин надзорыгар быһаараллар.
“Биир кэлим экзамен уонна судаарыстыбаннай түмүктүүр аттестация сорудахтарын киэҥ эйгэҕэ таһааран выпускниктар эрчиллэллэригэр кыах биэрэбит”, - диэн ведомства салайааччыта Сергей Кравцов быһаарбыт.
Итиэннэ сайтка нуучча тылын, математика, биология, география, история, литература, обществознание, информатика, химия, физика уонна омук тылын экзаменнарын сорудахтара бааллар.
Комментарии
Авторизация на сайте через социальные сети