- Маннык история уруоктара СӨ ыччат дьыалатыгар уонна дьиэ кэргэн бэлиитикэтигэр миниистирэ Афанасий Владимиров көҕүлээһининэн Покровскай 2 №-дээх орто оскуолатын үөрэнээччилэригэр үһүс сылын ыытыллаллар.
- Афанасий Семенович түмэлгэ ыытыллыбыт история уруогун туһунан санаатын маннык үллэһиннэ:
- - Быйылгы үөрэх дьылыгар Улуу Кыайыы 70 сылыгар анааммыт номнуо бэһис уруокпутун ыыттыбыт. Манна оҕолор бэйэлэрин төрүттэрин, сэрии сылларыгар үлэлээбит, сэриилэспит хаан-уруу аймахтарын туһунан кэпсииллэр. Ыытыллыбыт уруоктар түмүктэринэн, бары рефераттары мунньаммыт анал кинигэ таһаарыахпыт. Иллэрээ сыл оҕолор Покровскай куорат уулуссаларын, дьиэлэрин историятын, биллиилээх дьонун туһунан буклет таһаарбыттара. Онон оҕолор бэйэлэрэ история кинигэтин суруйаллар. Ким историяны төһөнөн дириҥник билэр, ол иннин диэки киэҥник хардыылыыр.
- Бу күн 9 «б» кылаас үөрэнээччилэрэ Ченякина Катя, Ефремов Андрей уонна Сивцев Сандал хос эһээлэрин туһунан тугу көрдөөн билбиттэрин кэпсээтилэр. Хас кыттыбыт оҕоҕо А.С.Владимиров күндү кинигэлэри бэлэх уунна.
- Уруок иккис чааһыгар Г.В.Ксенофонтов аатынан түмэл дириэктэрэ П.Н.Харитонов Хаҥалас улууһуттантөрүттээх байыаннай офицердар тустарынан бэрт интэриэһинэйдик, экспонаттары көрдөрө-көрдөрө кэпсээтэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети