- "Томпо оройуона" МО баһылыгын дьаһалыгар, СР Үөрэҕин министерствотын бирикээһигэр олоҕуран 7 үөрэх тэрилтэтигэр капитальнай өрөмүөнү ыытыыга үп көрүллүбүтэ. Оскуола иннинээҕи үөрэхтээһини модернизациялааһын чэрчитинэн РФ Үөрэххэ уонна наукаҕа министерствотын уонна СР Правительствотын икки ардыларыгар СР бюджетын фондатыттан субсидиялары биэрии туһунан сөбүлэһиигэ илии баттаммыта.
- Ыҥаа нэһилиэгэр орто оскуола дьиэтигэр сыһыары интернат дьиэтэ тутуллар. Охотскай Перевоз оскуолатыгар чоҕунан оттуллар хочуоллары уларытыы үлэтэ барар. Саһыл орто оскуолатыгар вентиляционнай системаны уонна кирилиэһи өрөмүөннээһин бүтэн эрэр. Мэҥэ Алдан орто оскуолатыгар муостаны, түннүгү оҥороллор, сантехническэй оборудованиены өрөмүөннүүллэр. Манна республика бюджетыттан 5 мөл. 212 тыһ. солк. көрүллүбүтэ, 260 тыһ. солк. хос үбүлээһининэн бэриллибитэ.
- "АЛРОСА" СКК муостатыгар капитальнай өрөмүөн барар.
- Хаандыгаҕа "Мишутка" уонна "Колокольчик" оҕо саадтарыгар 25-тии оҕолоох саҥа бөлөхтөрү ыларга анаан дьиэлэрин уларытан туталлар. СР Үөрэҕин министерствотыгар оборудованиеҕа, миэбэлгэ уо.д.а. сайаапкалар ыытыллыбыттара. Бу дьиэлэргэ киирии 2015 с. ахсынньыга былааннанар.
- Үөрэх тэрилтэлэригэр баһаартан куттал суох буолуутун хааччыйар тэрээһиннэргэ олохтоох бюджеттан 3 мөл. солк. көрүллүбүтэ. 13 объекка уот проводкаларын, баһаарынай сигнализацияны, баһаарынай емкостары өрөмүөннээһин ыытыллаллар. Террористическай куттал суох буолуутун хааччыйыыга 1 мөл. солк. көрүллүбүтэ. Бу үп Кириэс Халдьаайы интернатын күрүөлээһиҥҥэ, "Чуораанчык" уонна "Сандаара" (Ударник) оҕо саадтарыгар кэтээн көрүү системаларын туруорууга бэриллибиттэрэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети