3200 миэтэрэҕэ сүүрдүүгэ Амма улууһуттан Банкир диэн атыыр бастакынан кэлэн баайааччытыгар, Сахабыт сирин суон сурахтаах мадьыныта Анатолий Баишевка «Лада-грант» массыынаны (спонсордар - «СахаАгроПродукт» уонна “Чурапчы” ТХПК)тэбэн биэрдэ. Кини кэнниттэн чурапчылар Тускулбут, ол кэнниттэн мэҥэ-хаҥаластар Ривьералара кэлэн, чаҕылхай сүүрүүнү көрдөрдүлэр.
Киэһэ өттүгэр ыһыахпыт түһүлгэтэ ипподромҥа кубулуйан, көрөөччүлэр түмүктүүр кэнсиэр кэннэ үргүлдьү олорон, ат сүүрдүүтүн биир тыынынан көрөр чиэскэ тигистибит. Аныгы үйэ сайдыытынан, төһө даҕаны, саҥа тутуулар алаас сорох муннуктарын бүөлээтэллэр, син биир өрө күүрүүлээх күрэс болҕомтото суох хаалбата.
Биир оннук чаҕылхай сүүрүүнү аммалар үс саастаах Аркана диэн биэлэрэ көрдөрдө, баайааччыта - Андрей Константинов. 800 миэтэрэҕэ бастакы сүүрдүүгэ Байталы (Чурапчы), Си-Си Кейджи (Чурапчы-Сылаҥ) кэннигэр хаалларан, бэрт эрэллээхтик бастаата.
Биэс дистанцияҕа бэһиэннэригэр үстүү сылгы сүүрдэ. 1600 миэтэрэҕэ Найаана Куо (Мэҥэ-Хаҥалас) уонна Махос (Хаҥалас) иккиэ буолан түспүттэриттэн, бүтэһик эргииргэ Махос туора ыстанан, устунан сири хоруйан, жокейын быраҕан бэрт кыһыылаахтык хаалла. Сэттис сүүрдүүгэ, саамай уһун 4800 миэтэрэҕэ, саха сылгылара сэттиэ буолан түспүттэрэ.Түмүккэ чурапчылар Күлүмчээнэ биэбит кыайан, хаһаайыныгар «Минскэй» мотоциклы тэбэн биэрдэ.
Иккис сүрүн бириис - «Синтай» тыраахтар иһин 1200 миэтэрэҕэ сүүрдүүгэ Чурапчы Одьулуунуттан Балтимор инники күөҥҥэ тахсан, хаһаайынын үөртэ-көтүттэ. Киниттэн Чурапчы Сылаҥыттан Гармоника, үһүс хаҥаластар Айс Вуменнара эмиэ бэрт кыранан хааллылар.
Маны таһынан, хас биирдии дистанция кэнниттэн миэстэлэспиттэргэ анал бириистэри туттардылар.
Ыраахтан кэлэн кыттыбыт улуустарга, сүүрүк сылгылар хаһаайыттарыгар, Чурапчы сириттэн-уотуттан үчүгэй күрэхтэһиини бэлэхтээбиккитигэр истиҥ эҕэрдэбитин тиэрдэбит.
800 миэтэрэҕэ икки сүүрдүү буолла:
Бастакы сүүрдүү:
1 миэстэ – Аркана (Амма), 56.98;
2 миэстэ – Байтал (Чурапчы), 57.56;
3 миэстэ – Си-Си Кейдж, 59.76.
Иккис сүүрдүү:
1 миэстэ – Синьорита (Мэҥэ-Хаҥалас), 54.50;
2 миэстэ – Султан (Хаҥалас-Нөмүгү), 57.31;
3 миэстэ – Мамма Миа (Чурапчы-Одьулуун) – жокейын быраҕан бэйэтэ финишка кэллэ.
2400 миэтэрэҕэ:
1 миэстэ – Алмаскерт (Мэҥэ-Хаҥалас);
2 миэстэ – Санни Шейд (Амма);
3 миэстэ – Летописец (Хаҥалас-Нөмүгү).
1200 миэтэрэҕэ (сүрүн бириис “Синтай” тыраахтыр):
1 миэстэ – Балтимор (Чурапчы-Одьулуун);
2 миэстэ – Гармоника (Чурапчы-Сылаҥ);
3 миэстэ – Айс Вумен (Хаҥалас-Нөмүгү).
1600 миэтэрэҕэ:
1 миэстэ – Найаана Куо (Мэҥэ-Хаҥалас);
2 миэстэ – Махос (Хаҥалас-Нөмүгү) – кыайан иһэн, эргииргэ туора ыстанан, устунан сиргэ умса хоруйан жокейын быраҕан туораабыта.
3200 миэтэрэҕэ. Сүрүн бириис - “Лада Гранта” массыына:
1 миэстэ – Банкир (Амма);
2 миэстэ – Тускул (Чурапчы);
3 миэстэ – Ривьера (Мэҥэ-Хаҥалас).
4800 миэтэрэҕэ. Сүрүн бириис - “Минскэй” мотоцикл:
1 миэстэ – Күлүмчээнэ (Чурапчы);
2 миэстэ – Астык (Хаҥалас);
3 миэстэ – Кылыс (Чурапчы-Кытаанах).
Комментарии
Авторизация на сайте через социальные сети