Бу 2014 с. тэриллибит общественнай тэрилтэ соруга - дьиэ кэргэн туругун бөҕөргөтүү, дьиэни-уоту араӨаччылааччы дьахтар суолтатын үрдэтии, кини сүрүн анала ийэ буолуутун бэлэмнээһин буолар. Прасковья Петровна: "Мөлтөх туруктаах дьиэ кэргэн кыһалҕатын быһаарарга, хас биирдии ийэ общество тэҥ бырааптаах чилиэнэ буоларын ситиһэргэ дьахталлар үлэлиэхтээхтэр. Үлэ элбэх, онон сибээстээн былааннар элбэхтэр", - диэтэ.
Прасковья Борисова бэлиэтээбитинэн, хас биирдии дьахтар дьоллоох буолуон баҕарара чахчы, ол эрээри сороҕор онно кыах тиийбэт. Региональнай салаа секретариата дьахталлартан сайабылыанньалары, туһаайыы суруктары ылар уонна олорго эппиэттиир, өйөбүл оҥорор. Дьахталлар чөл олох иһин хамсааһыҥҥа актыыбынайдык ылсан үлэлииллэрэ этилиннэ. Республика 25 оройуонугар, билигин биһиги оройуоммутугар, дьахталлар ити үтүө хамсааһыҥҥа өйдөбүллээхтик сыһыаннастылар уонна салаалары тэрийэргэ быһаардылар. Томпо улууһугар саӨа тэриллибит салааҕа бэрэссэдээтэлинэн Оксана Назаренко талылынна. 29 киһилээх бу талыллыбыт састаап үлэтэ таһаарыылаах буолуо диэн саныаҕы баҕарыллар.
Республикатааҕы искусство оскуолатын специалиһэ Черепанова Яна бэйэтин дакылаатыгар бэлиэтээбитинэн, "Музыка барыбытыгар" программа үүнэр көлүөнэни иитиигэ сүрүн төрүөтүнэн уонна "Россия ийэлэрэ" хамсааһын биир хайысхатынан буолуоҕа.
Прасковья Петровна дьыаланы оҥорууга специалист быһыытынан Хаандыга араас сулууспаларын үлэһиттэригэр семинар ыытта. Кини общественнай тэрилтэлэр, сэбиэттэр бэрэстэбиитэллэрин, үөрэх тэрилтэтин салайааччыларын уонна преподавателлэрин кытта холбоһуктаах «Төрөппүттэр эппиэтинэстэрин туһунан» Сокуон бырайыагын дьүүллэстэ.
Улуус баһылыга Георгий Герасимов бэлиэтиирин курдук, сокуон бырайыага наада. Кини сэрэтэр үлэни күүһүрдэригэр туһуланар, онон дьиэ кэргэни харыстыырга, төрөппүттэри уонна оҕолору алдьархайтан араҥаччылыырга көмөлөһүө.
Дьүүллэһии кыттыылаахтара сокуон бырайыагын биир санаанан өйөөтүлэр уонна кэккэ туһалаах этиилэри киллэрдилэр. Холобур, сокуон бырайыагар учууталлар уонна социальнай үлэһиттэр оҕоҕо дьиэтигэр сылдьан хайдах иитиллэрин көрөллөрүгэр быраап биэрэр туһунан пууну киллэрэри эттилэр.
Киирбит көннөрүүлэр, чуолкайдааһыннар общественнай Палатаҕа уонна юстиция Госкомитетыгар ыытыллыахтара.
Комментарии
Авторизация на сайте через социальные сети