ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
23 июля 2015, 17:04

Владимир Прокопенко: “Үс киһини өлөрүүгэ уорбаланааччы тутулунна”


Ленскэй улууһугар от ыйын 11 күнүгэр айылҕаҕа сынньана тахсыы үс киһини өлөрүүнэн түмүктэммитин туһунан эрдэ иһитиннэрэн турабыт.

Санатар буоллахха, Ленскэй куораттан 25 км сиргэ, Ньүүйэ үрэх кытылыгар үс киһини өлөрүү тахсыбыт сиригэр полиция суһал-силиэстийэлиир бөлөҕө, ОМОН уонна РФ СК Саха сиринээҕи управлениетын силиэдэбэтэллэрэ, ис дьыала миниистирэ Владимир Прокопенко дьаһалынан, полиция начальнигын суһал үлэҕэ солбуйааччы, полковник Александр Канин салайааччылаах холуобунай ирдэбил оперативниктара, эксперт-криминалист, ыттаах кинолог тиийбиттэрэ.

Ити чахчынан РФ Холуобунай кодексатын 105-с ыст. 2-с чааһын “а” пуунунан, ол эбэтэр, иккиттэн элбэх киһини өлөрүү бэлиэтинэн, холуобунай дьыала тэриллибитэ. Силиэстийэ сабаҕалыырынан, от ыйын 10 күнүгэр Ньүүйэ үрэх кытылыгар 10 киһи сынньана сылдьыбыт. Быһаҕынан анньыллыбыт 23 саастаах кыыһы түүн массыына иһиттэн булбуттар. Онтон үрэх сүүрүгүн таҥнары 200 м сиргэ 55 саастаах эр киһи уонна 56 саастаах дьахтар өлүктэрэ көстүбүттэр. Эр киһини быһаҕынан анньан, дьахтары муомахтаан өлөрбүттэр.

Бүгүн ис дьыала миниистирэ, полиция полковнига Владимир Прокопенко пресс-конференцияҕа иһитиннэрбитинэн, бу үс киһини өлөрүүгэ уорбаланааччыны бэҕэһээ туппуттар. Кинини буруй оҥоһуллубут сиригэр, Ленскэй улууһугар ойуурга саһа сылдьарын булбуттар. Буруйун билинэр көрдөрүүнү биэрбит.

При частичном или полном использовании материалов гиперссылка на сайт ysia.ru обязательна.
Категория: Происшествия Просмотров: 815 Источник: ЯСИА Автор: Вера Макарова Изображение: Вера Макарова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ