Улууска бэс ыйдааҕынан электроннай уочаракка оскуола иннинээҕи саастаах 232 оҕо регистрацияламмыт, ол иһигэр 3-тэн 7-гэр диэри саастаах 69 оҕо баар. Биллэн турар, бу оҕолортон улахан аҥардара улуус киинигэр - Хаандыга б. бааллар.
СР Правительствотын кытта сөбүлэһии быһыытынан, Хаандыга б. икки уһуйааны саҥардыахтаахтар. Ол түмүгэр 50 эбии миэстэ тахсыа, оччоҕо икки уһуйааҥҥа биирдии бөлөҕү эбии аһыахтара. Маны таһынан быйыл Хаандыгаҕа саҥа оҕо уһуйаанын тутуута саҕаланыахтаах, 2016 с. үлэҕэ киириэхтээх. Инвестбюджекка үбэ угуллубута.
Тыа сирин ылар буоллахха, Саһыл нэһилиэгин Кэскил сэлиэнньэтигэр быйыл 50 миэстэлээх толору хааччыллыылаах уһуйааны тутууга туордаһыы ыытыллан бэдэрээтчит анаммыта. Тутуу ыытыллар сиригэр таас уонна кумах куппуттара. Билигин матырыйаалларын тиэйэ сылдьаллар. Уһуйаан 2017 с. үлэҕэ киириэхтээх.
Комментарии
Авторизация на сайте через социальные сети