"Федеральнай таһымҥа ылыллыбыт быһаарыыларга тирэҕирэн инвестордар биһигини кытта күүскэ үлэлээн эрэллэр. Итинтэн тэбинэн Саха сирэ инвестицияны тардар тустаах структураны үлэлэтэригэр кыах үөскэтилиннэ. Ол курдук, "Корпорация "Якутия" АО тэрилиннэ ", - диэн Егор Борисов эттэ.
Саха сиригэр инникилээн сайдар территорияны үөскэтиигэ уонна инвестиционнай бырайыактары өйөөһүҥҥэ анаммыт РФ бырабыыталыстыбатын уурааҕын олоххо киллэриини мунньахха дьүүллэстилэр. Онуоха "Инаглинскайдааҕы", "Тимир" хайаны байытар кэмбинээттэри тутууну ырыттылар. Ураты улахан болҕомто "Кангалассы" бырайыакка уурулунна.
Юрий Трутнев инникилээн сайдар сиргэ-уокка үлэлиир тэрилтэлэргэ ханнык да мэһэй үөскэтиллиэ суохтааҕын, ону тус бэйэтэ хонтуруоллуоҕун туһунан эттэ. «Ким эрэ экономика саҥа субъегын үөскэтиэн баҕарар буоллаҕына, кини чунуобунньуктартан көҥүл көрдөһүө суохтаах», - диэтэ кини.
Комментарии
Авторизация на сайте через социальные сети