ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
24 июля 2015, 17:33

Намҥа «Саха сирин доруобай сүрэҕэ» акция ыытылынна


Сахабыт сиригэр өҥүрүк куйаастар өр туруулара сүрэх-тымыр ыарыылаахтарга куһаҕаннык дьайар. Хомойуох иһин, куйааска таһырдьа тахсартан уонна эмчиккэ киирэр уочараттан саллан, балыыһаҕа кэмигэр кэлбэккэ хаалар ыарыһахтар бааллар.

Ол да иһин, медицинскэй профилактика өрөспүүбүлүкэтээҕи мобильнай киинэ Нам улууһун киин балыыһатын кытары ааспыт бээтинсэҕэ «Саха сирин доруобай сүрэҕэ» акцияны ыытта. Акцияҕа 1 кардиолог, 3 учаастак терапева, терапевт-быраас уонна 6 медицинскэй сиэстэрэ кытыннылар.

Быраастар «Кардиометр-МТ» саҥа портативнай аппараттар көмөлөрүнэн сүрэх-тымыр ыарыыта үөскүүр кутталын бэрэбиэркэлээтилэр.

Акцияҕа кыттыбыт доруобуйа харыстабылын миниистирэ Александр Горохов Сүрэх-тымыр ыарыыларын утары охсуһуу сылыгар Саха сиригэр ыарыыны сэрэтэр элбэх дьаһал ыытыллалларын, онуоха маассабай скрининг аныгы ньымалара туһаныллалларын кэпсээтэ.

Нам дьоно-сэргэтэ акция ыытыллыбыт күнүгэр ЭКГ-га түһээт да, тута түмүктэрин билбититтэн уонна быраастартан сүбэ-ама ылбытыттан астынна. Манна даҕатан эттэххэ, Нам улууһугар кардиолог-быраас суох.

Медицинскэй профилактика өрөспүүбүлүкэтээҕи киинин дириэктэрин солбуйааччы Варвара Петрова иһитиннэрбитинэн, бу акцияҕа барыта 216 киһи доруобуйатын көрдөрүннэ. Кинилэртэн 95 киһи хаанын баттааһына уларыйыылааҕа, 84 киһи сүрэх ыарыылааҕа билиннэ. Биир ыарыһах балыыһа эмтэнэ киирдэ, 24 киһи салгыы эмтэнэригэр сүбэ-ама ылла.

«Саха сирин доруобай сүрэҕэ» акция өрөспүүбүлүкэ устун салгыы айанныаҕа. От ыйын бүтүүтэ «Россия доруобай сүрэҕэ» бырайыакка пилотнай регион быһыытынан кыттыаҕа.

Киин маннык бырайыакка кыттар кыахтааҕын ыытар үлэлэрэ туоһулууллар. Ол курдук, медицинскэй профилактика өрөспүүбүлүкэтээҕи киинэ ыарыыны сэрэтиигэ доруобуйа дьаарбаҥкаларын тиһиктээхтик ыытар. Үлэлиир нэһилиэнньэҕэ ЭКГ чинчийиилэри оҥоро уонна хаан баттааһынын бэрэбиэркэлии тэрилтэлэргэ тиийэр, Аһаҕас аан күннэрин ыытар.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 806 Источник: Газета "Саха Сирэ" Автор: Надежда Егорова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ