- Олор ортолоругар СӨ Конституционнай суутун бэрэссэдээтэлэ, сахалыы атах оонньуутугар РСФСР спордун маастара, ох саанан ытыыга Россия спордун маастара А.Н.Ким-Кимэн, СӨ Государственнай мунньаҕын Ил Түмэн бэрэссэдээтэлин 1-кы солбуйааччы, спорт национальнай көрүҥнэригэр РСФСР спордун маастара, курдаһан тустууга Саха АССР спордун маастара А.А.Добрянцев, Хотугулуу-Илиҥҥи федеральнай университет физическэй култуураҕа уонна спортка институтун дириэктэрэ, чэпчэки атлетикаҕа СӨ спордун маастара, хайыһарга РФ спордун маастарыгар кандидат Д.Н.Платонов бааллар.
- Үбүлүөйдээх тэрээһини оҕо спортивнай оскуолатын дириэктэрэ Г.И.Тарскай арыйда. Үгүс үтүмэн эҕэрдэ эгэлгэтин, элбэх бэлэх-туһах туттарыытын быыһыгар «Эркээни эдэр сааһа» үҥкүү норуодунай ансаамбыла (салайааччыЕ.Г.Попова-Дмитриева)«Эҕэрдэ үҥкүүнү» бэлэхтээтэ, Покровскай 1 №-дээх оскуолатын үөрэнээччилэрэ ырыа ыллаатылар.
- Быйылгы сылга оҕо спортивнай оскуолата араас таһымнаах тэрээһиннэри, конференциялары, фестиваллары, декадалары, күрэхтэһиилэри сылы быһа ыыппыта.
- Биэс сылтан кырата суох үлэ ыстаастаах физическэй култуура уонна спорт үлэһиттэрин икки ардыларыгар иитэр-үөрэтэр үлэҕэ педагогическай маастарыстыбаҕа «Бастыҥтан бастыҥ» куонкурус бу аҕыйах хонуктааҕыта буолбута. Манна оҕо уһуйааннарынүлэһиттэрин ортотугар кыайыылааҕынан физкультура инструктора И.Д.Соломонова (Төхтүр, «Кэнчээри» оҕо саада) буолла. Иккис миэстэниЛ.М.Щепеткина (Күөрдэм, «Туллукчаан» оҕо саада) ылла, үһүс бириистээх миэстэҕэ Л.С.Алексеева (Улахан Аан, «Кыымчаан» оҕо саада) тигистэ.
- Оттон орто оскуола физкультураҕа учууталларын ортотугар Ю.П.Николайчук (Покровскай 4 №-дээх орто оскуолата) кыайыылааҕынан таҕыста. Л.Е.Ильина (Покровскай 1 №-дээх орто оскуолата), Н.Ф.Бугаев (Өктөм орто оскуолата) иккис, үһүс буоллулар.
- Салгыы эбии үөрэхтээһин бастыҥ үлэһиттэрин наҕараадалаатылар. Манна, кыайыылааҕынан А.А.Туприн буолла (оҕо спортивнай оскуолатын II Дьөппөннөөҕү филиалын көҥүл тустууга тренерэ). Иккис миэстэҕэ А.С.Макеев (оҕо спортивнай оскуолатын Покровскайдааҕы филиалын футболга тренерэ) таҕыста. Уонна үһүс бириистээх миэстэҕэА.М.Сивцев (оҕо спортивнай оскуолатын Булгунньахтаахтааҕы филиалын көҥүл тустууга тренерэ) ылла.
- Салгыы орто оскуолалар спорт национальнай көрүҥнэригэрфестивалларын кыайыылаахтарын быһаардылар. Кыайыылааҕынан А.В.Васильев аатынан Ой орто оскуолата (дириэктэр Л.В.Корякина) ааттанна уонна спорт инбэнтээрин ыларга 20000 солк. сертификатынан бэлиэтэннэ. Покровскай 1 №-дээх орто оскуолата (дириэктэр С.С.Шишигин), Уулаах Аан орто оскуолата (дириэктэр А.Д.Петрова) иккис, үһүс миэстэлэри ылан, туһааннааҕынан 15000 солк. уонна 10000 солк. сертификаттарынан наҕараадаланна.
- Тэрээһин биир үөрүүлээх түгэнинэн, «Мин спорду талабын» диэн уруһуй куонкурус түмүгүн таһаарыы буолла. Манна, оҕо саадтарын иитиллээччилэрин ортотугар Покровскай “Ромашка” оҕо саадын иитиллээччитэ алта саастаах Трифонова Анжела «В здоровом теле - здоровый дух» диэн үлэтинэн, оттон алын сүһүөх үөрэнээччилэр ортолоругар Покровскай 1 №-дээх орто оскуолатын 4 «в» кылааһын үөрэнээччитэ Постникова Юля «Ат спорда» диэн үлэтинэн кыайыылаахтарынан буоллулар.
- «Мин спорду талабын» диэн тиэмэҕэ өйтөн суруйууга Үөдэй орто оскуолатын 8 кылааһын үөрэнээччитэ Максим Латышев үлэтин ис хоһоонун бастыҥынан аахтылар.
- Оскуола дириэктэрэ Г.И.Тарскай тэрээһин кыттыылаахтарыгар «Хангаласской ДЮСШ 40 лет» диэн кинигэни бэлэх быһыытынан туттарда.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети