ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
10 декабря 2015, 11:17

Томпо улууһун хапсаҕайга чемпионатыгар уон биир улуус бөҕөстөрө туһуннулар


Хапсаҕайга Томпо улууһун чемпионатыгар Томпо, Муома, Таатта, Усуйаана, Өймөкөөн, Үөһээ Бүлүү, Мэҥэ-Хаҥалас, Кэбээйи, Дьааҥы, Орто Халыма, Сунтаар улуустарын бэрэстэбиитэллэрэ кыттыыны ыллылар. Муҥутуур кыайыылаах аатын ылар иһин чечен, шор, эбээн, нуучча, саха омук уолаттара күөн көрүстүлэр.
55 кг тоҕус хапсаҕайдьыт көбүөргэ таҕыста. Манна көҥүл тустууга спорт маастарыгар кандидат, 41 саастаах Кириэс Халдьаайы физкультураҕа учуутала Петр Охлопков эдэрдэри тургутта. Кини биирдэ эрэ кыайтаран чемпион буолла. Хотугу многоборьеҕа Россия спордун маастара, Томпо эбээн нэһилиэгин дьаһалтатын үлэһитэ Руслан Ханов Охлопковка сирэй көрсүһүүгэ хотторон иккис миэстэни ылла.
62 кг эмиэ тоҕус бөҕөс күрэс былдьаста. Манна быһаарыылаах хапсыһыыга Тулуйхан Михайлов уонна Сайдыы ОСО-тун бүтэрбит, Чурапчытааҕы физкультура институтун 4-с курсун студена, шор омук уола Василий Арбачаков (Хаандыга) күөн көрүстүлэр. Манна Михайлов кыайыылааҕынан таҕыста.
photoByWidth&id=51688&width=1000
70 кг саамай элбэх бөҕөс кытынна. 12 тустууктан финалга Магомед Давлетгериев уонна Кэбээйи уола, Кириэс Халдьаайы физкультураҕа учуутала Григорий Кобяков таҕыстылар. Давлетгериев утарылаһааччытын атаҕыттан ылан бырахта.
80 кг диэри ыйааһыҥҥа 4 хапсаҕайдьыт тустубутуттан чемпион аатын Айсен Иванов ылла.
Муҥутуур кыайыылаах аатын ылар иһин чечен, шор, эбээн, нуучча, саха омук уолаттара кииристилэр. Быһаарсыылаах киирсиигэ чечен уола Магомед Давлетгериев уонна Мэҥэ- Хаҥалас Суола Мэлдьэхситин уола Алексей Степанов көрүстүлэр. Көрөөччүлэр ыйааһыныгар бастаабыт, күүстээх-уохтаах Давлетгериев кыайара буолуо диэн сылыктаатылар. Оттон кини ыйааһыныгар Степанов үһүс буолбута. Ол эрээри хапсаҕай ааттыын хапсаҕай. Степанов биир түгэҥҥэ халбарыс гыммытыгар киһитэ тас иэнинэн барда. Ити иннинэ улуустарынан, нэһилиэктэринэн арахсан «ыалдьа» олорбут дьон үөрэн күргүөмүнэн хаһыытыы түстүбүт.
Муҥутуур кыайыылаахха улуус баһылыга Георгий Герасимов 10 тыһ. солк. туттарда. Ыйааһыннарыгар миэстэлэспиттэр дипломнарынан, мэтээллэринэн наҕараадаланнылар. Үөһээ ахтыллыбыт улуустар ааттарыттан хайа-геологическай техникумҥа үөрэнэр студеннар кытыннылар. Улуус баһылыга Георгий Герасимов хапсаҕайга туспа федерация тэрийиэхпит диэтэ.
При частичном или полном использовании материалов гиперссылка на сайт ysia.ru обязательна.
Категория: Спорт Просмотров: 650 Источник: ЯСИА Автор: Евдокия Неустроева Изображение: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ