Күрэхтэһии "Орлеанс Аренаҕа" ыытыллар. Греко-римскэй, көҥүл тустууларга уонна дьахталлар тустууларыгар барыта 24 комплект наҕараада туруорулунна.
Аан дойдуга бастыыр иһин күрэхтэһиигэ Россия спортсмена Билял Махов – Олимпийскай оонньуулар боруонса призердара, аан дойду үс төгүллээх чемпиона көҥүл уонна греко-римскэй тустууларга киирсиэҕэ. Хамаандаҕа аан дойду чемпионнара Абдусалам Гадисов уонна Виктор Лебедев, ону таһынан Олимпиада чемпиона Наталья Воробьева бааллар.
Кэлин Россия сүүмэрдэммит хамаандатыгар Олимпиада чемпиона Роман Власов киирбитэ.
АХШ виза биэрбэтэҕиттэн сылтаан Олимпиада чемпиона, Россияҕа спортивнай тустуу федерациятын президенэ Михаил Мамиашвили кыттара хаарчахтанна.
"Өйбүнэн-санаабынан, сүрэхпинэн-дууһабынан мин спортсменнары кытта бииргэбин. Спортсменнар сүрүн сыаллара-соруктара – Олимпиадаҕа лицензияны ылыы. Спортсменнар онуоха бэлэмнэр уонна ити сыалы-соругу булгуччу ситиһиэхтээхтэр" – диэн Мамиашвили этиитин ТАСС тиэрдэр.
2016 сыллааҕы Олимпиадаҕа киирсэр ыйааһыннарга бастакы национальнай квоталары тустуу хас биирдии көрүҥэр алта бастыҥ спортсмен ылыахтаах.
Аан дойду холбоһуктаах чемпионатыгар кыһыл көмүс мэтээлин ахсаанынан Россия инники кирбиигэ иһэр: 2007 сылга Россия спортсменнара күрэхтэһиини сэттэ кыһыл көмүс мэтээллээх түмүктээбиттэрэ. 2014 сылга Узбекистаҥҥа аан дойдуга бастыыр иһин күрэхтэһиигэ Россия хамаандата алта кыһыл көмүс мэтээллээх этэ.
Лас-Вегаска ыытыллар күрэхтэһии балаҕан ыйын 12-гэр диэри буолар.
Комментарии
Авторизация на сайте через социальные сети