«Таалакаан» ходуһаҕа хамаандаларга охсуохтаах сирдэрэ анаммыта. Эр дьоҥҥо алта, дьахталларга — үс чаас бэриллибитэ. Бу кэм устата ким улахан иэни охсубут, ол кыайыылааҕынан билиниллиэхтээҕэ.
Эр дьоҥҥо уонна дьахталларга кыайыылаахтар быһаарыллан, харчынан бириэмийэнэн биһирэннилэр. Бу күн барыта 9646 кв. м сир охсулунна.
«От-шоу» дьиҥ-чахчы үлэ бырааһынньыгынан буолла. Көрөөччүлэр, кыттааччылар бары сүргэлэрэ көтөҕүллэн тарҕастылар.
Тыа хаһаайыстыбатын управлениетын салайааччы К.К.Неустроев күрэстэһиини тэрийэн ыытыыга көмөлөспүт «Өлөөн эбэҥки национальнай оройуона» МО дьаһалтатыгар, «Кирбэй национальнай нэһилиэк» МТ дьаһалтатыгар, «Суглан» оройуон Сэбиэтигэр, «Өлөөн» МУП-ҕа, «Дьилиҥди» МУП-ҕа, «Аэропорт» МАП-ҕа, «Илькит» МУП УК, «Өлөөн-Торг» МУП-ҕа, ОДьКХ ГУП-ҕа махталын этэр.
Комментарии
Авторизация на сайте через социальные сети