- Саҥа сайылыгы көрөн-истэн баран олус астыммытын эттэ. Кини маннык модьу-таҕа күрүөлээх, барыта ис иһиттэн хаачыстыбалаахтык оҥоһуллубут, үчүгэй суоллаах-иистээх, сирэ-уота табыгастаах сайылык тутуллубутун көрөн бэркэ астыммытын уонна үлэһит дьоҥҥо махтанарын чорботон бэлиэтээтэ. Дьон-сэргэ үлэлиир усулуобуйата табыгастаахтык тэриллиннэҕинэ, тыа сирин дьоно дохуоттаах буолуоҕа, онон бу хайысхаҕа былааннаах үлэ ыытыллар.
- Петр Николаевич сайылык аһыллыытыгар сылдьан баран Строд аатынан хаһаайыстыба Емельяновка учаастагар тиийэн 120 миэстэлээх хотон тутуутун хаамыытын кытта билистэ. Онтон Бөтүҥ нэһилиэгэр тиийэн үлэлээтэ. Кини манна "Амма бурдуга" хаһаайыстыба бааһынатыгар сылдьан быйыл саҥа атыылаһыллыбыт биэс операцияны толорор тыраахтыр үлэтин көрдө, сэлиэһинэй силигилии үүммүт бааһынатыгар сырытта. Бурдук үүннэрээччилэр үүннэрбит бурдуктарын республика хайаатар да атыылаһар механизмын тобуларыгар, саҥа техника үлэтэ үчүгэйин, инникитин аныгы техникаларынан хааччыйыы салҕаныан наадатын эттилэр.
- 60-ча сыл ыанньыксытынан үлэлиир А.Е. Сутакова эрэннэриллибит хотон тутуутугар көмөлөһөллөрүгэр көрдөстө. Маныаха Бырабыыталыстыба бэрэссэдээтэлин солбуйааччы Ил Дархан бу туһунан сорудах биэрбитин, үлэ барарын эттэ. Онон күүтүүлээх хотоммут үлэҕэ киирэр чинчилээҕин истэн Аграфена Егоровна үөрэн сэгэйдэ.
- Иккис күнүгэр Петр Алексеев Бөтүҥ нэһилиэгэр тахсан 2016 сылга ыытыллыахтаах А.М. Васильева үбүлүөйүн, оскуола тутуутун туһунан кэпсэтистэ. Ону сэргэ Чакыр нэһилиэгэр сырытта.
- Бырабыыталыстыба бэрэссэдээтэлин солбуйааччы рабочай бөлөҕөр СР тыатын хаһаайыстыбатын уонна аска-үөлгэ политикатын миниистирэ А.Е. Артемьев, министиэристибэ эппиэттээх үлэһиттэрэ, "Туймаада-Лизинг" ААО генеральнай директора Д.Д. Махаров бааллара.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети