«Кооператив бултаабатах балыга «Кэбээйи собото» диэн аатынан атыыланар барааба суох», - диэн СИА-ҕа Ил Түмэн пресс-сулууспатыттан иһитиннэрдилэр.
«Чараҥ» СХПК “Кобяйский карась. Кэбээйи собото» уонна «Ниджилийский карась. Ньидьили собото» табаар бэлиэтин бу сайын Роспатеҥҥа регистрациялаата уонна бырааптаах соҕотох тэрилтэ буолла.
Тыа хаһаайыстыбатын уонна ас-үөл политикатын министиэристибэтигэр бэлиэтээбиттэринэн, булт атын хаһаайыстыбалара собоҕо бу ааттары тутуннахтарына, бырааптаах тэрилтэ суукка биэриэн сөп. Өрөспүүбүлүкэ парламена табаар бэлиэтин ылыыны сөптөөҕүнэн ааҕар.
Маннык дьаһал олоххо туттуллар буоллаҕына, атыыһыттар бородуукта ханна оҥоһуллубутуттан тутулуга суох, хортуоппуй барыта Сиинэ, Өлүөхүмэ, ынах арыыта Таатта, убаһа этэ Чурпчы, оттон үрүҥ балык Индигиир гиэнэ буолаллара тохтуохтаах.
Комментарии
Авторизация на сайте через социальные сети