- Кэлиҥҥи сылларга ОДьКХ Хаҥаластааҕы филиала үлэтэ тэтимирэн, хайысхата кэҥээн иһэр. Ааспыт оттук сезонун этэҥҥэ түмүктээн, кэлэр кыстыкка бэлэмнэнии үлэни уталыппакка саҕалыахтара.
- - Сайыҥҥы хас биирдии күн биһиэхэ былдьаһыктаах, үлэ элбэх, - диир филиал дириэктэрэ Андрей Захаров. - Үлэбит-хамнаспыт таһаарыылаах буолуута филиал хас биирдии үлэһититтэн тутулуктаах. Ол да быһыытынан сезону барыыстаах түмүктээтибит
- Бу күн бастыҥ үлэһиттэр ааттара доргуччу ааттанна, кинилэргэ грамота, махтал сурук, харчынан бириэмийэ туттарылынна.
- Халлаан анаабыт курдук туран биэрдэ. Үлэ дьоно сынньанары да сатыыллар, араас күрэхтэһиилэргэ кытыннылар. «Түһүлгэни көрүүгэ» Эркээни-Бэстээх учаастага (маастар П.С.Петров) олус бэркэ тэринэн кэлэн, кыайыылаах аатын ылла.
- Хапсаҕайдаһан тустууга Александр Осипов (60 кг), Афанасий Тимофеев (70 кг), Гаврил Сивцев (80 кг үөһэ) тэҥнээхтэрин булбатылар.
- Мас тардыһыытыгар Николай Колодинскай уонна Алексей Шкоркин мастарын кимиэхэ да биэрбэтилэр. Түмүк күрэхтэһии - ханаат тардыһыыта бэрт дьирээһилиилээхтик барда. Манна сэттэ хамаанда кыттыбытыттан эриллэҕэс иҥиирдээх «Малдьаҕар» учаастагын бөҕөлөрө бастаатылар.
- Сантехниктар икки ардыларыгар күрэстэһии хатыһыылаахтык барда. Манна задвижканы ыһан баран хомуйууга Үөһээ Бэстээх учаастагыттан Евгений Кутузов бастаата уонна быйылгы дьылга хамнаһыгар ботуччу эбилиги ылар буолла! Учаастак маастара Г.Я.Гайдукевич үлэһитигэр «ыалдьан» бэйэтэ тириттэ-хорутта, үлэһитэ кыайбытыттан улаханнык дьоллонно.
- Оттон электриктэр күрэстэригэр Покровскайдааҕы учаастак электригэ Юрий Шадрин кыайыылааҕынан таҕыста.
- Мантан салгыы ырыа-тойук, үҥкүү тэрилиннэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети