ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
12 июня 2015, 11:33

Орто Халыма куоракка Россия гимнэ дуораһыйда


Дойдубут тэбэр сүрэҕэр Москва куоракка сарсыарда 4 чаас 30 мүнүүтэ... Оттон Модун Россия киэҥ-нэлэмэн сирин уһук хоту оройуонугар, Полярнай эргимтэҕэ, Саха сирин биир аатырар Халыма эбэ кытылгар турар олус дириҥ баай историялаах кырдьаҕас Орто Халыма куоракка күнүс 12 чаас 30 мүнүүтэ.

Бүгүн бэс ыйын 12 күнэ — Россия Күнэ! Бу Улуу бырааһынньыкка Орто Халыма куоракка сүүһүнэн киһи мустан дойду Гимнин бары бииргэ толордулар. Төһө даҕаны сайыҥҥы халлаан кубулҕатыран тымныы тыалынан силбиэтэннэр, дойду иннигэр ытык сүгүрүйүү бэлиэтин биллэрэн, улуус салалтата, олохтоохторо, ыалдьыттара биир санаанан „Россия, священная наша держава!“ тылларынан гимниыллаан ньиргиттилэр.

Хотуттан үрэр күүстээх тыал кыырай халлааҥҥа, уһуга биллибэт көй салгыҥҥа дойдубут сүрүн ырыатын көтүттэ. Уруй буоллун — Модун Россияҕа, Айхал буоллун — төрөөбүт дойдуга!

Бу күн өссө биир бэлиэ түгэнинэн 14 саастарын туолбут ыччакка Россия гражданнара буолбуттарын туоһулуур сүрүн докумуону — пааспардары туттарыы буолла. Онон бу күн Россия гражданнарын кэккэтэ хаҥаата.

Бу курдук, Россияҕа биир бастакынан ыраах Орто Халыма улууһугар дойду Гимнин маассабай толоруу буолла.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 864 Источник: ЯСИА Автор: Анфиса Белоногова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ