ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
16 октября 2015, 09:59

Саха оператын ырыаһыттара – Хаандыгаҕа


Томпо улууһун киинигэр – Хаандыга б. Хаандыгатааҕы искусство оскуолатын «көтөр тэриэлкэҕэ» майгынныыр дьиэтигэр Суорун Омоллоон аатынан государственнай опера уонна балет театрын ырыаһыттара ыалдьыттаатылар.

Саха Республикатын народнай артыыската Альбина Борисова уонна норуоттар икки ардыларынааҕы конкурс лауреата Феодосия Шахурдина былырыын атын ырыаһыттары кытта аан-бастаан кэлэ сылдьыбыттара. Быйыл искусствоны сөбүлээччилэр өссө Саха Республикатын народнай артыыската Нина Чигирева, Саха Республикатын үтүөлээх артыыһа Григорий Петров уонна норуоттар икки ардыларынааҕы конкурс лауреата Людмила Спиридонова-Акимова ыллыылларын иһиттилэр.

photoByWidth&id=47166&width=1000

Көрөөччүлэр ортолоругар сахалар эрэ буолбакка нууччалар, украинецтар, буряттар бааллар. Кинилэр опера артыыстарын толорууларыттан улахан дуоһуйууну ыллылар.

Кистэл буолбатах, тыа дьоно Дьокуускай куоракка киирдэххэ соло булан,  мунан-тэнэн, кыбыстан маннык ырыаһыттар концертарыгар сылдьаары килэйбит-халайбыт театрга киирэрбит да ахсааннаах. Онон бэйэлэрэ маннык кэлэн ыллаан-туойан бараллара дьону кэрэҕэ тардар, үтүөҕэ үөрэтэр. Кинилэр ыллыылларыгар сөптөөх дьиэлээхпит-уоттаахпыт диэн үөрдэр.   

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 732 Источник: ЯСИА Автор: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ