Бары истэ-билэ сылдьаргыт курдук, 49 киилэҕэ диэри ыйааһыҥҥа Россия чиэһин көмүскүүр Мэҥэ ыччата Василий Егоров испанец Самуэль Кармону 3:0 (30:26, 29:27, 30:26) ахсаанынын итэҕэтиилээхтик кыайан финал аҥарыгар таҕыста. Онон хамаандатыгар алтынньы ыйга Катар Доха куоратыгар ыытыллар аан дойду чемпионатыгар кыттар быраабы ылла уонна бэйэтигэр аччыгыйа боруонса мэтээли хааччынна.
Сарсын, атырдьах ыйын 14 күнүгэр, Василийбыт Тинко Банабаковы диэн рингэ хаһаайынын кытта туруулаһыаҕа. Бэҕэһээ эрэ болгарин Эстонияттан сылдьар Кирилл Серикову 3:0 (26:30, 25:30,26:30) ахсаанынан хоппута.
Билиҥҥитэ Россия сүүмэрдэммит хамаандатыттан өссө үс боксер: Виталий Дунайцев (64 кг), Петр Хамуков (75 кг диэри), Евгений Тищенко (91 кг) Европа чемпионатын мэтээлин иһин салгыы киирсэллэр.
Сарсын финал аҥарынааҕы күөн көрсүһүүлэр, субуотаҕа кыайыылаахтары быһаарар киирсиилэр буолуохтара.
Комментарии
Авторизация на сайте через социальные сети