- Өйдөбүнньүк аһыллыытыгар ыраахтан-чугастан элбэх киһи кэллэ. Бу бэлиэ таас өрөспүүбүлүкэ ыччат дьыалатыгар уонна дьиэ кэргэн бэлиитикэтигэр миниистирэ Афанасий Владимиров, култуура уонна духуобунай сайдыы миниистирин солбуйааччы Николай Макаров, педагогическай үлэ бэтэрээнэ Раиса Федоровакөҕүлээһиннэринэн туруорулунна.
- - 2005сыллаахтан оҕолору кытта Нөмүгү историятын үөрэтэн «Инникигэхардыы» научнай-практическай конференцияҕа кыттыбыппыт, онтубут 2008 сыллаахха «Эргистэр» диэн кинигэ буолан тахсыбыта. Итинтэн сиэттэрэн бу пааматынньык оҥоһулунна, - диэн эттэ педагогическай үлэ бэтэрээнэ Раиса Викторовна.
- Эргистэн сыдьааннаах Афанасий Владимиров өйдөбүнньүк туруутун туһунан санаатын маннык үллэһиннэ.
- - Аандойду иккис сэриитэ бүппүтэ 70 сылыгар биһиги эһэлэрбитигэр, аҕаларбытыгар өйдөбүнньүк туруордубут. Хаҥаласка Эргис нэһилиэгэ былыр-былыргыттан биллэр-көстөр нэһилиэк этэ. Сэрииттэн эргиллэн кэлбит 15 киһиттэн билигин икки бэтэрээн хаалла - Чурапчыга уонна Төхтүргэ олороллор. Биһиги эһэлэрбит иннигэр ытык иэспитин толордубут дии саныыбын, - диэтэ Афанасий Семенович.
- Бу өйдөбүнньүк суолтата олус улахан, тугунан да кэмнэммэт сүдү. Ким да умнуллубат, туох да умнуллубат!
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети