- Ол курдук, Томмокко федеральнай тус сыаллаах программанан үбүлэнэн тутуллубут 24 квартиралаах дьиэни үөрүүлээх быһыыга-майгыга үлэҕэ киллэрдилэр.
- Аалай лиэнтэни СӨ Ил Дарханын уонна Бырабыыталыстыбатын дьаһалтатын салайааччы Юрий Куприянов, “Алдан оройуона” муниципальнай тэриллии баһылыга Северин Поздняков, “Томмот куорат” муниципальнай тэриллии баһылыга Александр Заверюха буолан быстылар.
- Томмокко, төһө да 43 кыраадыс тымныы сатыылаатар, саҥа квартира ылааччылар үөрүүлэриттэн ону билиммэтилэр.Ол да буоллар “Саха” НКИК корреспонденын ыйытыыларыгар, долгуйуулара баһыйан, кыайан эппиэттээбэтилэр, сорохтор үөрүүлэриттэн ытаһан харахтарын уутун сотто турдулар.
- Бу дьиэ аттыгар өссө биир маннык дьиэ бүтэн сотору кэминэн үлэҕэ киириэҕэ, диэтэ Томмот куорат баһылыга Александр Заверюха.
- Күнүстэн киэһэ Алдаҥҥа Кузнецов уулуссатыгар 12 квартиралаах дьиэни үлэҕэ киллэрии үөрүүлээх түгэнэ буолла. Эҕэрдэ тылы Ил түмэн депутата Александр Дудников, оройуон баһылыга Северин Поздняков, Алдан куорат баһылыга Александр Бугай эттилэр . Бу дьиэ аттыгар социальнай хайысхалаах өссө хас да дьиэ тутуллара былааннанарын туһунан Северин Поздняков “Саха” НКИК корреспонденыгар эттэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети