ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
29 декабря 2015, 11:15

«Кэнчээригэ» үөрүүлээх күн


Ахсынньы 28 күнүгэр Майаҕа «Кэнчээри» оҕону сайыннарар кииҥҥэ саҥа сыһыары тутуу үөрүүлээх быһыыга-майгыга аһылынна.

photoByWidth&id=53259&width=1000

Тэрээһиҥҥэ СӨ үөрэҕин миниистирин бастакы солбуйааччы Эдуард Кондратьев, оройуон баһылыга Николай Старостин, үөрэх управлениетын начальнига Ирина Черкашина уо.д.а. ыалдьыттаатылар, саҥа тутуу аалай лиэнтэтин быһа кырыйдылар.

Оҕо уһуйааныгар эбии 75 миэстэни хааччыйар тутууга «Модун» (салайааччы Антон Варламов) уонна Николай Старостин тэрилтэлэрэ үлэлэстилэр. Саҥа дьиэ күлүүһэ Екатерина Романоваҕа ытыс тыаһын ортотугар туттарылынна.

Министри бастакы солбуйааччы Эдуард Кондратьев эҕэрдэ тылыгар республика Ил Дархана Егор Борисов уочаракка турар кырачааннары сыл бүтүөр диэри төһө кыалларынан оҕо саадынан хабарга, ол инниттэн федеральнай үбүлээһининэн саҥа тутуулары ыытарга сорук туруорбутун эттэ. Билигин 47 саҥа эбии тутуу үлэҕэ киллэриллэн, уочарат биллэрдик аччатыллыбыт. Миниистири солбуйааччы «Кэнчээри» оҕону сайыннарар киин коллективыгар Эҕэрдэ суругу уонна саҥа миэбэли ыларга туоһу суругу туттарда.

Оройуон баһылыга Николай Старостин бу күннэргэ үөрэх кыһатын тэрилтэлэрэ саҥа дьиэлэммиттэрин үөрүүлээхтик бэлиэтээбиттэрин, кэнчээри ыччакка болҕомто уурулларын эттэ. Тутуу үлэһиттэригэр, оҕону сайыннарар киин үлэһиттэригэр бэлиэ наҕараадалар туттарылыннылар.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 643 Источник: ЯСИА Автор: Марфа Птицына Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ