- Спорт управлениетын салайааччы Ю.Ю.Никифоровтан тэрээһин туһунан ыйыталастыбыт.
- - Бу күрэхтэһии иккис түһүмэҕин ыыта сылдьабыт, бастакы түһүмэх нэһилиэктэринэн буолбута. Кумахха волейбол биһиэхэ спорт саҥа сайдан эрэр көрүҥүнэн буолар. Бу иннинээҕи сылларга турнир быһыытынан ыытыллар этэ. Бүгүҥҥү күрэскэ Хачыкааттан, Улахан Аантан, Булгунньахтаахтан кытта кэллилэр, онон уопсайа сэттэ хамаанда күрэстэһэ сылдьар. Онон интэриэһинэй оонньууну күүтэбит, - диэтэ Юрий Юрьевич.
- Саҥа былаһааккаҕа оонньуурга, күрэхтэһэргэ олус табыгастаах, сылаас күн туран биэрдэ. Классическай волейболга өрүү оонньуур дьон кыттар буолан таһымнаахтара киһи хараҕар тута быраҕыллар, көстөр. Онон, биир күн тура ыытыллыбыт күрэхтэһиигэ Василий Егоров, Николай Константинов састааптаах Булгунньахтаах хамаандата бастаата, иккис миэстэни Илья Тимофеев уонна Виталий Гаврильев (Улахан Аан) ыллылар.
- Бэтэрээн оонньооччуларга бырааттыы Роберт уонна Василий Винокуровтар кыайдылар.
- Дьахталларга 30 саастарыгар диэри Александра Карпова уонна Наталья Герасимова састааптаах Покровскай куорат хамаандата бастакы миэстэни ылла, иккис миэстэҕэ Кристина Федорова уонна Диана Ефремова (Хачыкаат) таҕыстылар. Оттон 30 саастарыттан үөһэ саастаахтарга Покровскай-2 хамаанда - Елизавета Никитина, Варвара Соломонова - кыайыы өрөгөйүн биллэ, иккис миэстэҕэ Людмила Рожина уонна Наталья Винокурова (Покровскай-1 хамаанда) тиксэн үөрүүлэрэ улаатта.
- Пляж волейболугар күрэхтэһии инникитин үгэскэ кубулуйан дьон-сэргэ хото кыттар көрүҥүнэн буолуоҕар саарбахтаабаппын.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети