ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
24 июня 2015, 17:15

Виктор Лебедевы төрөөбүт Томпотугар чиэстээтилэр


Бэс ыйын 23 күнүгэр Томпо улууһун Кириэс Халдьаайытыгар Улуу Кыайыы 70 сылыгар, аатырбыт снайпер Федор Охлопковка Совесткай Союз Геройа аат иҥэриллибитэ 50 сылыгар, тыыл ветерана, суруйааччы Анастасия Сыромятникова төрөөбүтэ 100 сылыгар аналлаах улуус ыһыаҕа буолла.

photoByWidth&id=37817&width=1000

Ыһыахха биир дойдулаахпыт, аан дойду икки төгүллээх чемпиона, Россия биэс төгүллээх чемпиона, бастакы Европа оонньууларын «буруолуу» сылдьар чемпиона Виктор Лебедев ыалдьыттаата. Томпо улууһун бочуоттаах гражданин улуус баһылыга Георгий Герасимов эҕэрдэлээтэ, махтал сурук туттарда уонна 140 тыһ. солк. бириэмийэ бэриллэрин эттэ.

Байаҕантай баһылыга Яков Степанов кулунчук сертифкатын туттарда. Ыҥаа баһылыга Иван Захаров биир саастаах ньирэйи биэрэбит диэтэ. Онон Виктор Лебедев сотору бэйэтэ бас билэр сылгы уонна ынах үөрдэниэ. Теплай Ключ баһылыга Александр Васильев «Мир Саха» диэн кинигэ бэлэхтээтэ. Виктор Лебедев үөрэммит оскуолатын директора Александр Охлопков «Биһиги икки Геройдаахпыт: сэрии Геройа, аатырбыт бэргэн ытааччы Федор Охлопков уонна спорт Геройа Виктор Лебедев», - диэн этиитин мустубут дьон ытыс тыаһынан көрүстүлэр. Оскуола коллективын аатыттан күрэхтэһиигэ киириэн иннинэ ыраастанарыгар анаан саха дэйбиирни бэлэхтээтэ.

photoByWidth&id=37818&width=1000

Виктор мустубут дьоҥҥо махтанна. Биир дойдулаахтарын кытта хаартыскаҕа түстэ.
Виктор Лебедев аатын сүгэр спорт-оскуола оҕолоро кини суолун салгыыллар. Ол курдук, билигин Дьокуускайга спорт-оскуолаҕа үөрэнэр Юра Сыромятников уонна Чурапчыга республикатааҕы оскуолаҕа үөрэнэр Дьулус Неустроев Россия призердарынан буолаллар, Саха сирин сүүмэрдэммит хамаандатын чилиэннэрэ. Хаандыгаттан Россия призера Яков Павлов эмиэ сүүмэрдэммит хамаандаҕа киирэр. Кинилэр бу ыһыахха хапсаҕайга 70 кг диэри ыйааһыҥҥа кыттан чемпион аатын бэйэлэрин икки ардыгар быһаарыстылар. Ол курдук Яков бастаата, Дьулус иккис, Юра үһүс буоллулар. Юра өccөабсолютнай күрэс кыайыылааҕынан буолла.
Биир дойдулаахтара Виктор аны Олимпиада кыһыл көмүс мэтээлин аҕаларыгар баҕараллар. Хоту дойду дьонун сиэринэн аһары арбаппакка, киниэхэ саҥата суох ыалдьаллар уонна кыайарыгар куруутун бүк эрэнэллэр.
При частичном или полном использовании материалов гиперссылка на сайт ysia.ru обязательна.
Категория: Территория Просмотров: 690 Источник: ЯСИА Автор: Евдокия Неустроева Изображение: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ