Күрэскэ үс сааһыгар диэри оҕолоох 12 ыал кытынна. Кыттааччылар араас матырыйаалы туһанан оҕо коляскатын киэргэппиттэр. Онтукалара, ирдэбил быһыытынан, тулалыыр дьоҥҥо куттала суох буолуохтаах. Ону таһынан визиткэлэрин бэлэмнээбиттэр.
Кыттааччылар коляскалары киэргэтиигэ айымньылаахтык үлэлээбиттэр. Үгүстэргэ ийэ уобараһа уопсай уобараһы кытта дьүөрэлэһэр.
Дьүүллүүр сүбэ быһаарыытынан "Кыра пират" Игнат коляската кыайыылааҕынан ааттанна. Ийэтэ А.А. Гусак уолун уобараһын, коляскатын ымпыгар тиийэ толкуйдаабыт. Онон саамай сөпкө бастакы миэстэни ыллылар. Маннык күрэс инникитин үгэскэ кубулуйуо диэн эрэнэбит.
Тэрийээччилэр күрэс спонсордарыгар – урбаанньыт Альбина Свечкинаҕа уонна Гаврил Поповка махтаналлар.
Комментарии
Авторизация на сайте через социальные сети