ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
18 ноября 2015, 16:31

Өлөөҥҥө үгэс буолбут «Муус күрэҕэ-2015» буолла


Ааспыт өрөбүллэргэ Өлөөн эбэбитигэр нэһилиэк дьаһалтатын тэрийиитинэн үгэс буолбут «Муус күрэҕэ-2015» ыытыллынна. Халлааммыт төһө да тымныы, дьыбардаах буоллар барыта түөртүү киһилээх 8 хамаанда кытынна.

photoByWidth&id=49699&width=1000

Оройуон дьаһалтата үс хамаанданы туруорбута профком үлэтэ тэрээһиннээҕин туоһулуур. Сытыы «Дружба» тырылааһынынан, анньыылар биир кэм мууһу көйөр тыастарынан доҕуһуоллатан үлэ күөстүү оргуйда. Бу ылыллыбыт ыраас дьэҥкир муус үтүө санаа аргыстаах. Ол эбэтэр тыыл бэтэрээннэригэр, кырдьаҕастарбытыгар түҥэтиллиэхтээх. Күрэскэ Харыйалаах нэһилиэгиттэн эмиэ кытыннылар.

Биир чаас иһигэр үлэлэрин үмүрүтэн Өлөөнтөн «Хотуканцы» хомуур хамаанда бастаата. Иккиһи айылҕа харыстабылын инспекциятын, үсүһү ОДьКХ хоһууннара ылан харчынан бириэмийэҕэ тигистилэр. Оройуон дьаһалтатын профсоюһа палаатка туруоран, итии чэйинэн, минньигэс аһынан күндүлээтэ.

photoByWidth&id=49700&width=1000

Саргылаана Алексеева, Өлөөн эбэҥки нэһилиэгин баһылыгын солбуйааччы:

- 2010 сылтан ыытыллар күрэһи ГИМС тэрилтэтин кытта кыттыһан тэрийдибит. Былырыын түөрт хамаанда кыттыбыт буоллаҕына, быйыл 8 хамаанда кэлэн сүргэбит көтөҕүлүннэ. Өрүүтүн кыттар улуустааҕы айылҕа харыстабылын инспекциятыгар, коммунальнай хаһаайыстыбаҕа, Харыйалаах нэһилиэгиттэн Корякиннарга, Соломоновтарга махталбытын тиэрдэбит. Ылбыт муустарын бу нэдиэлэ иһинэн уолаттар кырдьаҕастарбытыгар илдьэн биэриэхтэрэ.

Константин Неустроев, тыа хаһаайыстыбатын управлениетын начальнига:

- Сарсыарда тымныы курдук этэ да, кэнники ирэн барбыппыт. Олус үчүгэй күрэхтэһии буолла. «Дружбабыт», туттар сэппит-сэбиргэлбит барыта бэйэбит киэнэ. Ыччаппыт үчүгэйдик үлэлиирэ биһиги профкоммут үлэтигэр көстөр дии саныыбын. Сылаас чэйинэн, аһынан-үөлүнэн көрүстүлэр. Тэрийбит дьоҥҥо махталбытын тиэрдэбит.

photoByWidth&id=49701&width=1000

Андрей Симонов, улуустааҕы ГИМС начальнига:

- Бу тэрээһини биһиги Өлөөн-Харыйалаах мууһунан сырыы аһыллыбытынан итиэннэ РФ Ыксаллаах быһыыга-майгыга министиэристибэтэ тэриллибитэ 25 сылыгар аныыбыт. Манна муус ылалларыгар хамаанда уолаттара сэрэхтээх буолалларын көрөбүт-истэбит, халыҥын кэмниибит. Дьаһалта исписэлииһэ Христофор Васильевтыын түмүгү таһаардыбыт, судьуйалаатыбыт.

Ити курдук үтүө санаалаах хоту дойду хоһууттара өрөбүл күннэригэр ытык кырдьаҕастарбытыгар хотулуу үгэһинэн көмөлөстүлэр, тэрилтэлэринэн сомоҕолостулар, айылҕаларыттан күүс-уох ыллылар.

photoByWidth&id=49702&width=1000

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 757 Источник: ЯСИА Автор: Гуннара Ороһуунускайа Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ