Бу диэки биэс ыстаада уонна Өйүмэ диэн сиргэ сылгылар бааллар. Олору ини-бии Роман уонна Георгий Ефимов көрөллөр. Салайааччылар табаһыттары уонна сылгыһыттары кытта мунньахтаатылар. Дьон хамнас, аһынан-үөлүнэн, сибээһинэн хааччыйыы уо.д.а. туһунан ыйыталастылар. Салайааччылары кытта барсыбыт быраас дьон доруобуйатын көрдө.
Биир улахан кыһалҕа бөрөлөр ааҥныыллара буолар. Ол курдук сур кыыллар 39 сылгыны туппуттар. Дьон сиринэн сылдьан бултаһар. Быйыл күһүн 35 саастаах Роман Ефимов 8 адьырҕаны сууһарбыт. Улус уонна кооператив салалталара вертолет сакаастаабыттарыгар МИ-2 кэлэн Хаар уонна былыт буолан биир эрэ күн көттө. Ол да буоллар бу үчүгэй түмүктээх буолла, алта бөрөнү суох гыннылар. Барыларын Роман Ефимов өлөрдө.
Ол эрээри «Госохрана» Томпотооҕу управлениетын охотоведа Виктор Кучеров биллэрэринэн улус сиригэр-уотугар 200-чэкэ бөрө мэнээктиир. Кооператив сиригэр бу иннинэ барыта 16 адьырҕаны өлөрбүттэрэ, оттон уопсай туһаныллар сирдэргэ – 12. Улус салалтата Саха сирин Правительствотыгар күһүҥҥү кэмҥэ эмиэ вертолетунан ытыыны тэрийэригэр сайаапка биэрэргэ былаанныыр. Билигин саӨа түһэр хаарга кыыллар суоллара ырылхайдык көстөр. Адьырҕалар кэлэр-барар кэмнэрэ.
Хаартыскаҕа ортоку Роман Ефимов.
Комментарии
Авторизация на сайте через социальные сети