ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
12 ноября 2015, 10:54

Уон алта үөрэнээччилээх оскуола


Охотскай Перевоз нэһилиэгэ ааспыт үйэ 30-50-с сылларыгар Ааллаах Һүн эӨэр бириискэлэргэ кыһыл көмүһү сууйуу саҕана муҥутуурдук сайда сылдьыбыта.

Ол курдук манна эргиэн тэрилтэлэрэ киирэр «Золотопродснаб» перевалочнай базата, «Джугджурзолото» трест техническэй базата, «Лензолотофлот» бириистэнэ, «Кыһыл артыал» промартыал, балык собуота, госбанк отделениета, НКВД бөһүөлэктээҕи отделениета, почта отделениета, гидрометеостанция, сельсовет, балыыһа, баһаарынай депо, кулууп бааллара. Нэһилиэнньэ ахсаана 1942 с. саҕаланыытыгар 2850 киһи этэ. Оскуолаҕа 508 үөрэнээччи баара.

photoByWidth&id=49226&width=1000

Билигин сэлиэнньэҕэ 150-ча киһи олорор. Ити ааттаммыт тэрилтэлэртэн гидрометеостанция эрэ баар, ону таһынан ФАП, кыра дизельнэй электростанция үлэлииллэр. Сүрүн оскуолаҕа (9 кылаастаах) быйыл 16 үөрэнээччи баар, онтон биир оҕо дьиэтигэр үөрэнэр. Аан бастаан оскуола боруогун атыллаан үс оҕо үөрэнэ киирдэ, 9-с кылааска икки оҕо баар. Коллективка 18 киһи үлэлиир, онтон 7 учуутал.

Үс сыллааҕыта «Сахабазальт» тэрилтэ биригээдэтэ саҥа оскуола дьиэтин туппута. Биир ый иһинэн үлэ түмүктэммитэ. Оскуола аһылларыгар СР Үөрэҕин министерствотыттан, улуус дьаһалтатыттан, үөрэх салаатыттан, Хаандыгатааҕы хайа-геологическай техникумтан уо.д.а. мебели, компьютердары, методическай литератураны уо.д.а. бэлэхтээбиттэрэ.

photoByWidth&id=49227&width=1000

Охотскай Перевозтан Саха сиригэр биллэр дьон тахсыбыттара, ол иһигэр Саха сирин биир аатырбыт летчига Владимир Сунденбан, Саха сирин үтүөлээх тренерэ (бокс), САССР спордун министрэ буола сылдьыбыт Виктор Шитик уо.д.а. Сэрии сылларыгар Ааллаах Үүн бириискэтигэр үлэлии сылдьыбыт Иван Околович Охотскай Перевозтан сэриигэ баран Албан аат орденын толору кавалера буолбута. Саҥа оскуола тутулларыгар СР Айылҕа харыстабылын министрин солбуйааччынан үлэлээбит, билигин олохтон барбыт Николай Прокопьев улахан өҥөлөөх. Нэһилиэк сайдыытыгар кылаатын учуоттаан нэһилиэк дьонун туруорсуутунан быйыл алтынньыга улуус дьокутааттарын 23-с сессиятыгар кини аатын үөрэммит оскуолатыгар иҥэрэргэ бигэргэппиттэрэ.

Автор түһэриитигэр оскуола аһыллыыта.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 710 Источник: ЯСИА Автор: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ