Тэрээһин сүрүн сыалынан-соругунан үҥкүү искусствотын тарҕатыы, саҥа талааннары арыйыы буолар.
Икки түһүмэхтээх күрэскэ Танара агро-оскуолатыттан Евдокия Кондакова, Александр Халыев, “Сайылык” ПО Мариванна Яковлева, Мария Петрова, “Кэнчээри” уһуйааныттан Анна Соломонова, Сардаана Винокурова, Мукучутааҕы учааастактааҕы балыыһаттан Светлана Гоголева, Туйаара Григорьева кытыннылар.
Кулууп иһинэн тэриллибит “Studio” үҥкүү бөлөҕө (салайааччы И. Н. Находкина) көрөөччүлэргэ умнуллубат кэрэ түгэннэри – эрчимнээх аныгылыы үҥкүүлэри бэлэхтээтилэр.
Күрэс түмүгэр кыайыылаахтарынан Евдокия Кондакова, Александр Халыев ааттаннылар.
Араас идэлээх дьон үҥкүүнү аргыс, доҕор оҥостон көрөөччүлэргэ үөрүүнү бэлэхтээтилэр, кэрэ эйгэтигэр угуйдулар.
И. Им, модельнай библиотека библиотекара
Комментарии
Авторизация на сайте через социальные сети