- Барыта 1,5 га иэннээх сиргэ хортуоппуйу, 1 гектарга хаппыыстаны, 0,6 га сиргэ моркуобу, сүбүөкүлэни үүннэрэллэр, ону таһынан амтаны тупсарар күөх үүнээйилэри: луук, укроп, сельдерей, петрушка, базилик, кинза, салаат араас суортарын хото ыстылар. 360 кв. м иэннээх теплицаларга оҕурсуну, помидору,переһи, дыняны, арбуһу, тыкваны, кабачогу, сибэкки арааһын көрөллөр-харайаллар.
- АсчыттарА.А. Терехова, Л.А. Федотова, О.А. Орлова, Г.Д. Левина оҕолору минньигэс битэмииннээх тотоойу аһынан күндүлүүллэр. Лааҕыр биэлсэринэн эдэр быраас Е.А. Кобяков үлэлиир. Уу ыстарар биригээдэ (салайааччы О.Д. Левин) үлэһиттэрэ В.Е. Левин, Д.В. Эверстов, Е.И. Оконешников, П.П. Сметанин, Владимир Яковлев үс бааһынанан кыайа-хото үлэлииллэр. Оҕолор үлэҕэ үөрэнэллэр, айылҕаны харыстыырга, Сир ийэҕэ хаһаайынныы сыһыаннаһарга иитиллэллэр. Сылын аайы үлэлэрин таһынан иитиллэн олорор эбэлэрин тулатын ыраастыыллар, көрө-харайа сылдьаллар.
Оҕолор сынньалаҥнарын тэрийээччи учууталлар былаан быһыытынан киэҥ бырагыраамалаах тэрээһиннэри көхтөөхтүк ыыталлар.
Оҕолор араас уопуттары оҥороллор, үүнээйилэрин кэтээн көрөллөр, научнай-чинчийэр үлэ үөрүйэхтэрин баһылыыллар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети