Онно Олимпиадаҕа кыттар путевка иһин саха тустууга оскуолатын түөрт иитиллээччитэ киирсиэҕэ: Россиятан - Виктор Лебедев, Таджикистантан - Николай Ноев, Белоруссияттан - Александр Контоев уонна Киргизияттан - Айаал Лазарев.
Хомойуох иһин, Белоруссия аатыттан тустар Владислав Андреевпыт атырдьах ыйын саҥатыгар Польша Даброво куоратыгар буолбут «Вацлав Циолковски-2014» норуоттар икки ардыларынааҕы турнирга ылбыт эчэйиититтэн сылтаан Лас-Вегаска барбат буолла. Ол түһүлгэҕэ Владислав ыччаттар Олимпийскай оонньууларын (2010) кыайыылааҕа, «Яшар Догу-2014» турнир призера Юки Такахашига (Япония) 2:3 ахсаанынан сабырыйтарбыта. Үһүс миэстэни былдьаһар хапсыһыыга Белоруссия өссө биир тустуугун Димчик Ринчиновы илиилээх-атахтаах оҥорботоҕо, 11:0 ахсаанынан хоппута.
Оттон Киргизияттан 74 киилэҕэ диэри ыйааһыҥҥа тустар Иннокентий Иннокентьевпыт сүүмэрдиир күрэхтэһиигэ бэйэтин көрдөрбөтө.
Комментарии
Авторизация на сайте через социальные сети