ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
8 сентября 2015, 11:01

Виктор Омуков Сунтаарга


Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы, В.В. Омуков ааспыт нэдиэлэҕэ Сунтаар улууһугар үлэлээтэ.

Биир дойдулаахпыт Виктор Омуков биһиги улууска сырыытын сүрүн сыалынан-соругунан Сунтаар улууһа ыксаллаах быһыы-майгы балаһыанньатыгар хайдах-туох бэлэмнээҕин билсии буолла.

photoByWidth&id=43772&width=1000

Кини сырыытын Сиэйэ, Кутана, Элгээйи нэһилиэктэрин баһаары утары үлэлиир тэрилтэлэри билсиһииттэн саҕалаата. Бырабыыталыстыба Бэрэссэдээтэлин солбуйааччы сырыытын улууспут баһылыга А.В. Григорьев, улуустааҕы баһаарынай чаас салайааччыта А.Б. Яковлев, кини солбуйааччыта Я.А. Ефремов арыаллаатылар. Сиэйэҕэ баһылыгы солбуйааччы Ю.Н. Григорьев баһаарынай чаас эбийиэктэрин көрдөрдө. Манна баһаарынай чаас саҥа эбийиэгин тутар былааннаахтар эбит, сирэ бэлэм. Тутуу барыахтаах сирин көрөн-билэн баран, улуус баһылыга А.В. Григорьев, үлэни саҕалыы туруҥ, эһиил улуус өттүттэн көмө баар буолуон сөп диэтэ.

Кутана баһылыга Н.В. Давыдов баһаарынай чаас дьиэтин өрөмүөннүү, өссө улахан массыына киирэр курдук кэҥэтэ сылдьалларын көрдөрдө. Салгыы В.В. Омуков «Айан-Суол» тэрилтэтин салайааччытын В.В. Крыжановскайы, кини солбуйааччытын М.И. Евсеевы, олохтоох оскуола директорын К.Н. Никифоровы көрсүтэлээн үлэ-хамнас, баар кыһалҕалар  тустарынан кэпсэттэ.

Виктор Омуков Сунтаар улууһугар үлэтин бастакы күнэ Элгээйи нэһилиэгин баһаарынай чааһыгар сылдьыынан, үлэһиттэри кытта ирэ-хоро кэпсэтиинэн түмүктэннэ.

Сарсыныгар, балаҕан ыйын 1 күнүн сарсыардатыгар, Бырабыыталыстыба Бэрэссэдээтэлин солбуйааччы үлэтин улуус киининээҕи баһаарынай чаас үлэтин билсиһииттэн саҕалаата. Баһаарынай чаас дьиэтигэр хапытаалынай өрөмүөн ыытыллар туруктаммыт. Баһылыкпыт уонна В.В. Омуков 2017 сыллааҕы үлэ былааныгар киллэрэр курдук сүбэлэстилэр.

Салгыы В.В. Омуков уонна улууспут баһылыга А.В. Григорьев улуус киинигэр алын сүһүөх оскуолаҕа, политехническай лицейгэ, Сунтаар 1№-дээх сылдьан үөрэнээччилэри, учууталлары, төрөппүттэри Билии күнүнэн эҕэрдэлээтилэр.  Улуус баһылыга үөрэнээччилэргэ анаан улуус оҥотторбут үөрэнээччи дневнигин кырачааннарга туттартаата.

Ити күн Виктор Омуков уонна кинини арыаллыыр дьон Тойбохойго тохтоон эмиэ Билии күнүнэн эҕэрдэлэрин эттилэр. Куокунуга агро-оскуола үлэтин кытта билистилэр. Кириэстээххэ оскуола 11 кылааһын үөрэнээччилэрин кытта көрсүһүү буолла. Оскуола директора В.В. Дарвидонова оскуолатыгар массыына наадатын туруоруста. Ону истэн баран, Виктор Викторович көрдөһүүнү үөрэх министерствотыгар тириэрдиэм диэтэ. Оттон улууспут баһылыга Анатолий Васильевич ити кыаллыбат түгэнигэр улуус салалтата көмөлөһүө диэн учууталлары үөртэ.

Хаатыскаҕа: В.В.Омуков, «Айан-суол» тэрилтэ үлэһиттэрин кытта.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 620 Источник: ЯСИА Автор: Тимур Иванов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ