- Мунньахха тыа хаһаайыстыбатын оройуоннааҕы управлениетын салайааччы Николай Максимов, СӨ Булт хаһаайыстыбатын департаменын Алдан оройуонугар кылаабынай инспектора Алексей Дормидонтов, Бөллөт нэһилиэгин дьаһалтатын үлэһиттэрэ, тыа хаһаайыстыбатын сүрүннүүр специалиһа Мария Маркова, сүүрбэччэ община салайааччылара кыттыыны ыллылар.
- Аҕыйах хонуктааҕыта общиналар салайааччыларын мунньан Дьокуускайга буолбут көрсүһүү туһунан Николай Дмитриевич иһитиннэрии оҥордо. Промышленнай оройуоҥҥа таба иитиитин хайдах гынан өрө көтөҕөр, бөрөнү утары охсуһуу, табаһыттар олорор усулуобуйаларын тупсарыы уо.д.а боппуруостары Бырабыыталыстыбаҕа туруорсубуттарын, олору Петр Алексеев өйөөбүтүн, тустаах салайааччыларга сорудах биэртэлээбитин туһунан сиһилии кэпсээтэ. Мунньах кыттылаахтарыгар бөрөнү бултааһыҥҥа сметаны түргэнник оҥорон аҕалалларыгар сорудахтанна.
- Итиннэ даҕатан Николай Дмитриевич “Хатыыстыыр” ААУо дириэктэрэ Иван Илистяров бөрөнү бултуур биригээдэлэри номнуо тэрийэн, дьонун саанан, ботуруонунан, уматыгынан, бөрөҕө аналлаах туһаҕынан хааччыйан эрэрин туһунан эттэ.
- Саҥа дьыл бырааһынньыгын кэнниттэн Булт хаһаайыстыбатын департаменын, “Арктика» компания үлэһиттэрэ оройуоҥҥа общиналар үлэлэрин-хамнастарын билсэ кэлиэхтэрэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети