Манна үҥкүүһүттэр бастыҥнара, тарбахтарыгар талааннаахтар, муода көрдөрөөччүлэр Россия куораттарыттан эрэ буолбакка, КГТ-тан тиийэ кэлэн кытталлар. Күрэстэһээччитин ахсаана сыллата элбээн иһэрэ бэлиэтэнэр.
Быйылгы куонкуруска Таатта улууһун Ытык Күөл нэһилиэгиттэн “Айар стиль”диэн Светлана Баишева салайааччылаах муода студиятын 13 кэрэчээнэтэ кыттар дьолго тиксибит.
Куонкурустаһааччылар 1-10 кылаас үөрэнээччилэрэ. Кыргыттар омук сиригэр барар сураҕы истиэхтэриттэн утуйалларын да умнан, сайыҥҥы өҥүрүк куйааска сөтүөлүүллэрин да тохтотон улаханнык долгуйан, олус кыһаллан бэлэмнэммиттэр. Төрөппүттэр кэпсээбиттэринэн, өбүгэлэрбит былыр былыргыттан Дьөһөгөй оҕотугар сүгүрүйэллэрин, ытыктыылларын бэлиэтигэр, кырачаан модницалар авангардка “Дьөһөгөй оҕото” диэн ураты коллекцияны көрдөрүөхтэрэ. Маныаха кинилэр хас хамсаныылара, хаамыылара мындыр саха ураты кэрэ оһуорун санатыаҕа.
“Түмүгү тута биллэриэхпит», -- дииллэр оҕолорун сайыһа уонна алгыы хаалбыт төрөппүттэр. Оттон биһиги, кинилэргэ кыттыһан, сир симэхтэригэр - оҕолорго кыайыыны-хотууну, ситиһиини баҕарыаҕыҥ.
Комментарии
Авторизация на сайте через социальные сети