Тыа сиригэр олорор эдэр дьон төрөөбүт түөлбэлэрин сайыннарар, аныгы кэм ирдэбилинэн байылыаттык олорор суоллары тобуларга кыһаналлар. Билиҥҥи сайдыылаах кэмҥэ бэлэми кэтэһэн таах олорбокко, араас программаларга киирсэн, бырайыактары көмүскээн, тыа хаһаайыстыбатын эйгэтигэр урбаанынан ситиһиилээхтик дьарыктанар эдэр дьонтон биирдэстэрэ Ньурба оройуонун Таркаайытыгар олорор. Александр Данилов сибиинньэ, ынах-сылгы иитииннэн дьарыктанар
Александр бэйэтигэр 5 сыллаах былаан оҥостуммут. Кини этэринэн, сүһүөҕэр чиҥник турара, биитэр төттөрү түһэрэ 5 сыл иһинэн биллиэхтээх. Саҥа саҕалааччы урбаанньыттар сүрүннээн уот ситимин тардыыга, учаастак булуутугар үгүс күчүмэҕэйдэри көрсөллөр. Даниловтар арендаҕа ылан олорор учаастактарыгар уот ситимэ суох буолан, дизель холбонорго күһэллэллэр. Дьыалата бигэ туруктаах буоларыгар бу кыһалҕатын түргэнник быһаарар санаалаах.
Александр Данилов дьоҕус урбаанын лаппа кэҥэтэн, сайыннаран кэнэҕэһин улахан производствоҕа кубулутар сыал-сорук туруорунан үлэлиир.
Комментарии
Авторизация на сайте через социальные сети