- Кинини Волгоград куорат сылгы собуотун исписэлиистэрэ 1,5 саастааҕар Америка аукционуттан атыыласпыттара. Фурт Эллины улуус сүрүн тэрилтэлэрэ „Амма суол“ (салайааччы К.И.Слепцов), „Амгаавтодор“ (А.Н.Окороков) уонна биллиилээх меценат, урбаанньыт Руслан Федотов 1,5 мөлүйүөн солкуобайга кыттыһан атыыластылар.
- Амма сүүрүк сылгыларын тренерэ Анатолий Баишев:
- - Фурт Элли Москваттан 10 чаас устата самолетунан көтөн, онтон сиринэн анал рефрижераторга тиэллэн кэллэ. Россияҕа кэлэн баран тыйыгар сүүрбэтэҕэ, тиҥэһэтигэр киирэн баран 3 күрэхтэһиигэ кытынна. Күүстээх сылгыларга орто көрдөрүүлээх. Атыылаһыахпыт иннинэ төрүччүтүн үөрэппиппит, итиннэ Москватааҕы племхолбоһук көмөлөстө. Аҕата Фларуэль Америкаҕа бастакы бөлөх сылгыларыгар ситиһиилэрдээх. Убайа Никифор Россияҕа сүүрэр, эмиэ үчүгэй көрдөрүүлэрдээх. Барыта этэҥҥэ буоллаҕына Фурт Элли «Лээги Кубогар» 2400 миэтэрэ дистанцияҕа сүүрүөҕэ, - диэн саҥа аты билиһиннэрдэ.
- Нам сүүрүк сылгыларын тренерэ Сергей Ядреев:
- - Маннык ыраас хааннаах боруода аттары Сахабыт сиригэр аҕалансүүрдэр ат спордун сайдыытыгар улахан суолталаах, ат сүүрдүүтүн таһымын үрдэтэр уонна дьон-сэргэ кэрэхсиир. Бу боруоданы английскай уонна арабскай боруодалартан таһаарбыттара. Этэргэ дылы, киһи аймах бүттүүнүн ситиһиитэ. Ону сорохтор нуучча атын аҕалан сүүрдэҕит диэн утараллар. Аан дойду үрдүнэн кэрэхсэнэр сүүрүк боруода, тоҕо Саха сиригэр сүүрүө суохтааҕый?... Сыыһаллар, өйдөөбөккө саҥараллар. Балаҕан ыйын 11 күнүгэр „Муонаҕа“ «Лээги Кубога» ыытыллар. Бу күрэхтэһии сыл ахсын таһыма үрдээн иһэр. Биһиги үс сүүрүүгү аҕалыахпыт, атын улуустар тренердэрэ эмиэ «Лээги Кубогар» сүүрүүктэрин бэлэмнии сылдьаллар,- диэн санаатын үллэһиннэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети