Күрэс сыала-соруга:
- Саха сирин норуоттарын төрүт культураларын баай үгэстэрин сөргүтүү, киэҥ аранаҕа таһаарыы уонна тарҕатыы;
- саха норуотун айар үгэстэрин сайыннарыы;
- саха национальнай таҥаһын таҥныы үгэһин олохтооһун уонна үйэтитии.
Күрэс кыттааччылара:
Күрэскэ 14 сааһын туолбут ким баҕалаах, олорор сириттэн тутулуга суох, кыттыыны ылар. (Дьиэ кэргэнинэн бөлөххө кыра оҕо кыттыыны ылара көҥүллэнэр)/
Күрэс кыттааччыларыгар ирдэбил:
Кыттааччылар саха национальнай таҥастарын көрдөрөллөрүгэр, сөптөөхтүк анал музыканан сыанаҕа тутта-хапта сылдьарга бэлэмнээх буолаллара ирдэниллэр.
Күрэскэ көрүллэр таҥас көрүҥнэрэ:
Күрэс 3 көрүҥүнэн ыытыллар. Хас биирдии көрүҥҥэ кыайыылаахха анал аат иҥэриллэр.
Көрүҥнэрэ:
- Дьиэ кэргэн бөлөҕүн сахалыы таҥаһа;
- Эр киһи таҥаһа;
- Дьахтар таҥаһа
Күрэскэ сыаналанар:
- көрдөрүллэр таҥас саха ииһин үгэстэрин тутуһан тигиллиитэ;
- саха таҥаһын төрүт өҥнөрүн, оһуорун-мандарын тутуһан тигии;
- сыанаҕа тутта-хапта сылдьыы, көрдөрүллэр таҥас өрүттэрин арыйыы.
Дьүүллүүр сүбэ:
Дьүүллүүр сүбэҕэ норуот маастардара, идэтийбит иис үлэһиттэрэ, саха национальнай культуратын чинчийээччилэрт талыллан үлэлииллэр. Көрөрүллэр таҥас 5 бааллаах ааҕыынан сыаналанар. Мөккүөрдээх түгэннэргэ дьүүллүүр сүбэ бэрэссэдээтэлин куолаһа быһаарар оруоллаах.
Күрэскэ кыттарга сайаапканы Дьокуускай к., Ленин уулуссатын 15, култуура салаатыгар 521 каб. тиксэрэҕит. Билсэр телефоннар: 42-13-71, 42-34-59 (тел/факс). Эл/ад-cultura521@mail.ru.
«Туймаада Ыһыаҕын» күнүгэр сайаапканы 14 №-дээх «Битии» түһүлгэтигэр 13:00 чаастан дьүүллүүр сүбэ ылар.
Комментарии
Авторизация на сайте через социальные сети