Бу үгэс буолбут тэрээһин «Кыталык» народнай образцовай үҥкүү ансаамбылын уус-уран салайааччыта Василий Винокуров көҕүлээһининэн 2003 сылтан ыытыллар.
"Кыталык" оҕо-ыччат эстетическэй киинин, "Арктика" АУ, Мэҥэ-Хаҥалас улууһунааҕы үөрэх, культура управлениеларын тэрийиилэринэн ыытыллыбыт быйылгы куонкуруска Бүлүү, Кэбээйи, Горнай, Томпо, Уус-Алдан, Таатта, Чурапчы, Мэҥэ-Хаҥалас улуустарыттан уонна Дьокуускай куораттан 16 ансаамбыл (137 үҥкүүһүт) кытынна.
«Кыталык» оҕо-ыччат эстетическай киинигэр буолбут көрүүгэ үҥкүүһүттэр саастарынан түөрт бөлөххө наарданан иккилии үҥкүүнү толордулар.
Дьүүллүүр сүбэ быһаарыытынан, бөлөхтөрүнэн 1, 2, 3 степеннээх лауреаттар, бастыҥ хореографтар ааттаннылар. «Сүр көтөҕүү» өрөспүүбүлүкэтээҕи күрэс кылаан бирииһэ «Уолан» ансаамбылга (Горнай улууһа, Бэрдьигэстээх) туттарылынна.
Бөлөхтөрүгэр бастаабыт Горнай улууһун Маҕараһыттан «Күлүмчээн», Кэбээйи улууһун Мукучутуттан «Эрчим» уонна Уус-Алдан Бэйдиҥэтиттэн «Эр Модун» ансаамбыллар сыаналаах бириистэринэн бэлиэтэннилэр.
Комментарии
Авторизация на сайте через социальные сети