- Кини 2012 сылтан Чечен Республикатын Шали куоратыгар үс сыл устата контрагынан танковай чааска наводчик-операторынан сулууспалаабыта. Саллаат наҕараадата от ыйгар Амма улууһун военкоматыгар кэллэ. Байыаннай уокурук наҕараадалыыр отделын иһитиннэриитигэр „За мужество, отвагу и самотверженность, проявленные при исполнении воинского долга“ диэн суруллубут. Бу улууспут дьонугар-сэргэтигэр соһуччу үөрүүлээх сонунунан буолла.
- Улуус салалтата Александр Борисовы бу бэлиэ түгэнинэн чиэстээтэ, эдэр киһиэхэ инники олоҕор ситиһиилэри, дьолу-соргуну баҕарда. Дохсун ытыс тыаһын ортотугар улуус баһылыгын бастакы солбуйааччы Петр Лебедев Суворов мэтээлин саллаат түөһүгэр ииллэ уонна сыаналаах бэлэҕи туттарда.
- Салгыы Александры военкомат, ыччат уонна уопсастыбыннас бэрэстэбиитэллэрэ үөрэн, киэн туттан эҕэрдэлээтилэр. Военкомат отделын салайааччыта Оксана Маркова саллаат төрөппүттэригэр Вера Афанасьевна уонна Федор Петрович Борисовтарга истиҥ махталын биллэрдэ уонна сулууспалыы барар уолаттарга, патриотическай тыыҥҥа ыччаты иитиигэ Александр ситиһиитэ үтүө холобур буоларын бэлиэтээтэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети